Welkom, Besoeker
Welkom, Besoeker
Taal waarskuwing*

Titel: Vir Katrein

Deur Caren Kearley
Datum gepubliseer: 25 Julie 2017 Aantal woorde: 132 18 Kere gelees 2

Vir Katrein

Hierdie reis kon sy nie keer
met haar vlerke trillend oopgestrek
om die wieke van ‘n noordewind te vang
hang sy halflyf aan
haar spasies en ruimtes
wat heelal om alles en almal.

Met wilde woorde wat
wakker lê in haar mond
(om nimmermeer tot stof te keer)
flap sy vere uit Walhalla —
nog nooit was sy ‘n boorling
van dié panoramiese kosmos.

Haar aandster se goue glans
glinster om elke ween en lag
t-y-d-l-o-o-s
wil sy vlerksleep
deur dimensies van Eden;
verby haar gisters
tot by vandag se môre.

Hier waar sy staan vol stiltes
en staar oor die blou van die ewenaar
weet
sy
verseker
dat haar greep verder moet strek as haar gryp
om die wieke van haar wind ook te vang.

© 2017 Caren Kearley
Kopiereg voorbehou




  • TEMAS
    2 Kommentaar
    1. profiel foto van Okatopi

      Okatopi

      Julie 25, 2017

      Ek like 🙂

      • profiel foto van Caren Kearley

        Caren Kearley

        Julie 25, 2017

        Waardeer jou ondersteuning en saamlees opreg, baie dankie, Okatopi.🌸🌺

    Laat u kommentaar

    GESKRYF DEUR
    profiel foto van Caren Kearley

    Jy moet ingeteken wees om boodskappe aan hierdie skrywer te kan stuur.

    Publikasies: 34
    Kommentaar telling: 3

    Ek het groot geword in Namibia en meeste van my tiener jare in Namaqualand spandeer. Gematrikuleer in die Paarl by La Rochelle Hoër Meisieskool en onder andere ‘n diploma in aankopebestuur verwef by Varcity Kampus in Rondebosch.  Ek woon tans saam met my man en twee dogters in een van die mooiste Bolandse dorpies, Wellington. Ek doen balsaal dans vir ontspanning en boks vir selfverdediging  Solank as wat ek kan onthou maal woorde al deur my kop. Om gedigte te skryf was nog altyd my manier om sin te maak van die lewe.  Vir my kinders het ek altyd gesê dat kunstenaars onsterflik is en indien my gedigte ooit publikasie haal, sal hulle vir altyd ietsie van my hê. My wildste verwagtinge is oortref, toe ek uiteindelik ‘n digbundel in my hande vashou waarin ‘n paar van my gedigte verskyn.  Nou is ek dankbaar vir ‘n talent wat ek miskien te lank weggesteek het en dus beplan ek nie om verder tyd te mors nie. My grootste droom is om eendag ‘n klein bydrae te lewe in die bevordering van Afrikaans deur my eie digbundel te kan puliseer.

    Gebruikers Aanlyn

    0 Lid, 71 gaste aanlyn