Welkom, Besoeker
Welkom, Besoeker
Taal waarskuwing*

Titel: Verdoemlik verdwaal(d)

Deur Caren Kearley
Datum gepubliseer: 1 September 2017 Aantal woorde: 110 33 Kere gelees 2

Waarheen het hierdie pad dan gelei
dat sy nou voor die afgrond van nêrens staan
en in die verte na niks voor haar staar.

Daar was ‘n storm in hom
waarin sy haar stiltes moes begrawe
toegedraai in ‘n wit wolkombersie
moes dit sink
s-e-s voet diep.

Daarom is haar lag leeg en haar lyf lomp
verder sou sy graag wou wandel
met haar kop onder haar arm
blind vir die klanke digby sy donder.

Maar neofobies hang sy nou aan ‘n krans
soos ‘n neonaat sonder nesvere;
rampsalig gril en ril sy vir haar eie klouter-sere
terwyl sy luister na nog ‘n roepende kans.

© 2017 Caren Kearley
Kopiereg voorbehou




  • TEMAS

    Laat u kommentaar

    GESKRYF DEUR
    profiel foto van Caren Kearley

    Jy moet ingeteken wees om boodskappe aan hierdie skrywer te kan stuur.

    Publikasies: 79
    Kommentaar telling: 7

    Ek het groot geword in Namibia en meeste van my tiener jare in Namaqualand spandeer. Gematrikuleer in die Paarl by La Rochelle Hoër Meisieskool en onder andere ‘n diploma in aankopebestuur verwef by Varcity Kampus in Rondebosch.  Ek woon tans saam met my man en twee dogters in een van die mooiste Bolandse dorpies, Wellington. Ek doen balsaal dans vir ontspanning en boks vir selfverdediging  Solank as wat ek kan onthou maal woorde al deur my kop. Om gedigte te skryf was nog altyd my manier om sin te maak van die lewe.  Vir my kinders het ek altyd gesê dat kunstenaars onsterflik is en indien my gedigte ooit publikasie haal, sal hulle vir altyd ietsie van my hê. My wildste verwagtinge is oortref, toe ek uiteindelik ‘n digbundel in my hande vashou waarin ‘n paar van my gedigte verskyn.  Nou is ek dankbaar vir ‘n talent wat ek miskien te lank weggesteek het en dus beplan ek nie om verder tyd te mors nie. My grootste droom is om eendag ‘n klein bydrae te lewe in die bevordering van Afrikaans deur my eie digbundel te kan puliseer.

    Gebruikers Aanlyn

    1 Lid, 31 gaste aanlyn

    Bydrae Totale