Welkom, Besoeker
Welkom, Besoeker

Titel: Die Vensterskildery

Deur Marisa J. Labuschagne
Datum gepubliseer: 26 Mei 2017 Aantal woorde: 155 207 Kere gelees 4

Hier in my werkhuis met
die gedurige gedruis
van sy ysterlong.
Die temperatuur konstand.

Die sonnetjie glimlag
warm oor my voete en hier,
in my glaskokon, pronk ek
soos ‘n magrietjie in die son.

My hobbelperd wip heen en weer
agter die blink toonbank waar ek regeer;
en ek sien: in my glasventerskildery;
bruin geel groen blaartjies oor winterwinde gly

Lewe! Klop my hart verwoed,
wyl Vensterskildery my groet.
Sonliglaggies reflekteer
Skerp wit lig heen en weer.

“Wat weet jy?” so huil my hart;
wys na die hemel, grys grou, soms swart.
Die illusie van my vensterskildery
laat hortend trane deur my gedagtes sny.

Ek sien die kamma gemak van winter.
Asem uit ‘n ysterlong
Grys hemel.
Skreiende son.

My siel reik stom
Na waar mens weer mens is.
Na skoon vars lug
waar sonneblomme blom.

Dit is toe dat glaskokon tralies kry;
en sluit my toe
agter die mite van geluk
in my Vensterskildery.




  • TEMAS
    2 Kommentaar
    1. profiel foto van Inkmoderator

      Inkmoderator

      Mei 26, 2017

      Marisa, ek dink jy het ‘n slim gedig bedink. Ek dink jy het mooi beelde geskep wat my aan my ouma se sonkamer laat dink. Dit was heerlik en nostalgies.
      Jou derde strofe: ek dink miskien kan jy die gebruik van leestekens eerder verminder. Ook is daar ‘n strofe wat nie ‘n punt het nie.
      Die herhaalde gebruik van Vensterskildery mag ook die leser pla.
      Kyk gerus na die voorstelle en gesels met my (sommer per boodskap) indien jy wou.

      Skryfgroete
      IM

    2. profiel foto van Okatopi

      Okatopi

      Junie 2, 2017

      n Baie mooi realistiese prenkie

    Laat u kommentaar

    GESKRYF DEUR
    profiel foto van Marisa J. Labuschagne

    Jy moet ingeteken wees om boodskappe aan hierdie skrywer te kan stuur.

    Publikasies: 26
    Kommentaar telling: 21

    Gebruikers Aanlyn

    1 Lid, 77 gaste aanlyn