Welkom, Besoeker
Welkom, Besoeker

Titel: Vakansie-liefde

Deur Elroux
Datum gepubliseer: 19 Maart 2017 Aantal woorde: 105 76 Kere gelees 2

elke dag saam met jou is soos vakansie hou
op ‘n spierwit verlate strand
net ek en jy
hand aan hand
wat soos kinders
met ons tone in die sand
kastele bou
teen die hemelblou
net daar vir mekaar kan wees
vry soos die meeue
wat branders aandurf sonder vrees
jy is die koel seebries teen my wang
die soet wind wat teen my speel
jy is die sagte suis van die see
wat sing deur al die eeue
die melodie wat my hartsnare streel
wat my saggies aan die slaap sus
jy is my somer son en saffier
by jou vind ek my rus




  • TEMAS

    Laat u kommentaar

    GESKRYF DEUR
    profiel foto van Elroux

    Jy moet ingeteken wees om boodskappe aan hierdie skrywer te kan stuur.

    Publikasies: 143
    Kommentaar telling: 67

    'n Pretorianer van geboorte tot nou. Ek was 'n navorser en het die lewe van alle kante gesien en beleef. Ek is geseën met vier lieflike kinders en 'n wonderlike man. Op 68 jaar is ek in my herfstyd waar ek elke dag binne die genade van die Here leef. Om te dig gee betekenis aan my lewe en ek hoop dat my skrywes iets vir ander mense kan beteken.

    Gebruikers Aanlyn

    1 Lid, 64 gaste aanlyn

    Bydrae Totale