Welkom, Besoeker
Welkom, Besoeker

Titel: Tuin van die gode

Deur Viooltjie
Datum gepubliseer: 25 Mei 2017 Aantal woorde: 78 339 Kere gelees 1

in Namibsland se halfwoestyn
daar naby Keetmanshoop
waar die groenigheid maar skaars is
en riviere selde loop

waar groot klippe opmekaar lê
gestapel deur ‘n hoër hand
en delwers reeds millennia al
soek na die blinkste diamant

staan menig eeu-oud aalwyn steeds
dáár deur gode in ‘n tuin gelos
om skroomloos – tussen reuse rotse –
oor rant en vlaktes heen te dros

en fluister stemme nog in Khoisan drome
” . . . geseënd is hierdie Kokerbome”

© C. Shaw
17 Augustus 2015




  • TEMAS
    4 Kommentaar
    1. neels

      Oktober 16, 2016

      Carma jy het maar die gawe om met woorde te toor in jou natuur bskrywings

    2. profiel foto van Ronel Janse van Vuuren

      Ronel Janse van Vuuren

      Oktober 17, 2016

      Pragtig. Ek geniet altyd jou natuur beskrywings.

    3. profiel foto van Koekekranka

      Koekekranka

      Oktober 18, 2016

      Ai, die wind waai waar hy wil en niemand kan hom keer! So loop ek maar telkens weer jou spoor van ligvoetdig raak en geniet saam met so vele Inkers jou poeierstrooi van woord en gedagtes! Baie dankie.

    4. profiel foto van Viooltjie

      Viooltjie

      Mei 25, 2017

      Baie dankie, Neels, Ronel en Koekekranka. Ek waardeer julle kommentare regtig baie 🙂

    Laat u kommentaar

    GESKRYF DEUR
    profiel foto van Viooltjie

    Jy moet ingeteken wees om boodskappe aan hierdie skrywer te kan stuur.

    Publikasies: 172
    Kommentaar telling: 695

    Ek skryf grotendeels gedigte vir ontspanning. Ek skryf graag oor die natuur, mense en hul stories en plekke wat ek besoek het. Ek doen dikwels 'n bietjie navorsing oor 'n onderwerp voor ek skryf, want ek geniet dit om te leer. Ek hoop altyd om darem 'n emosie of twee wakker te maak met dit wat ek te sê het, en dat julle lekker saam sal lees :-)

    Gebruikers Aanlyn

    1 Lid, 69 gaste aanlyn