Welkom, Besoeker
Welkom, Besoeker

Titel: Wat vir ‘n TOWERY

Deur Toom
Datum gepubliseer: 5 Augustus 2017 Aantal woorde: 224 45 Kere gelees Hou van

TOWERY

Midde-in die diepste winter waat ‘n knapie deur sneeu wat hom tot aan die heupe reik. Hy kry bitterkoud en soek êrens ‘n skuilplekkie tussen die bome van die woud. Net as hy uitgeput wil neersak, gryp hom ‘n klein mannetjie onder die arms en trek hom in ‘n donker gat tussen die wortels van ‘n denneboom in. Dis ‘n klabouter, ‘n vriendelike woudgees, wat hom tot voor die vuur sleep en met sy eie omhang toedek. Dan soek hy verskillende kruie uit en begin om ‘n skotteltjie sop op te toor. Hy kyk oor sy skouer as die seun stadigaan kreungeluide begin maak, en sien dat die kind op sy vingers blaas.

Wat maak jy daar, mensekind?” wil hy weet.

„Nee, my vingers is koud en ek blaas daarop om hulle weer warm te kry,” kom die antwoord.

As die sop lekker gaar is, kan die seun dit glad nie inkry nie, dis so warm, en hy blaas oor die sop in sy lepel.

„Wat maak jy daar, mensekind?” vra weer die klabouter.

„Die sop is te warm, en ek blaas daarop om dit af te koel . . .”

„Eers blaas jy as dit te koud is, en dan blaas jy as dit te warm is! Watse toordery is dit? Uit hier! Uit uit my woning! Weg met jou!”

©5e.Augustus2017_______…ooOoo…________(10 Sep 2014) tje




  • TEMAS

    Laat u kommentaar

    GESKRYF DEUR
    profiel foto van Toom

    Jy moet ingeteken wees om boodskappe aan hierdie skrywer te kan stuur.

    Publikasies: 142
    Kommentaar telling: 133

    Wat ek weet, of meen dat ek weet, het ek onder meer op praktiese manier in die klaskamer geleer - aan en van die kinders - ook my belewenisse van konferensies en kongresse, dagblaaie, biertjies op die stoep en die gans normale daaglikse waansin. Byna vyftig jare woon ek al in Duitsland; eindelik kan gestolde gedagtes, verflenterde notatjies nou uit hul winterslaap wagword. My uitgangspunt is dat die woorde lekker moet proe, glad oor die tong moet rol. Alles wat ek skryf is outobiografies - ek het nie die geld vir die prokureur nie.

    Gebruikers Aanlyn

    2 Lede, 62 gaste aanlyn