Welkom, Besoeker
Welkom, Besoeker

Titel: Toemaar, my meisiekind

Deur Viooltjie
Datum gepubliseer: 19 Mei 2017 Aantal woorde: 153 81 Kere gelees 1

Kom sê maar vir mamma
as jy snags nie kan slaap nie –
daardie wakkerlê ure ken ek tog goed.
Vir die donker nag is ek lank nie meer bang nie –
daar buite is sterre,
ek weet die maan is aan’t gloed.

Kom sê maar vir mamma
as jy bang is vir spoke –
al die ou spoke ken ek jare al goed.
Hul spierwit geraamtes en duister gedaantes
verlam soms die spiere,
stol soms die bloed.

Kom sê maar vir mamma
as die skadu’s jou teister
skadugedagtes – dit ken ek ook goed.
Hul hou nooit op fluister en sou jy daarna luister,
kom steel dit jou vreugde
en die lewe se soet.

Kom sê maar vir mamma
want ek verstaan alles –
ek ken donker en duister en skadu’s so goed.
Maar vir hierdie dinge is ek lank nie meer bang nie,
want êrens blink sterre –
is die maan aan’t glinstergloed.

© Carma Shaw
18 Mei 2017




  • TEMAS
    4 Kommentaar
    1. profiel foto van Inkmoderator

      Inkmoderator

      Mei 19, 2017

      Viooltjie,
      Daar is werklik geen krit wat ek hierop kan lewer nie.
      Die herhalende woorde soos ‘skadu’, ‘spoke’ het met die eerste lees my oog gevang en het gedink dit sou steurend wees, maar helaas, met die herlees daarvan kan ek die funksionaliteit daarvan sien.
      Ek dink die vers se konstruksie is mooi, die ritme lieflik en die aanbieding van hoë gehalte. Baie dankie vir jou deelname.

      Skryfgroete
      IM

    2. profiel foto van Viooltjie

      Viooltjie

      Mei 19, 2017

      Baie dankie IM. Ek waardeer jou tyd en aandag wat jy aan my gedig gegee het. 🙂

    3. profiel foto van neels

      neels

      Mei 22, 2017

      hierdie werk is werklik n staande applous werd

      • profiel foto van Viooltjie

        Viooltjie

        Mei 22, 2017

        Neels, baie groot dankie vir die Kommentaar en ook die ander drie kommentare vanoggend. Ek waardeer dit werklik baie dat jy my werk lees 🙂

    Laat u kommentaar

    GESKRYF DEUR
    profiel foto van Viooltjie

    Jy moet ingeteken wees om boodskappe aan hierdie skrywer te kan stuur.

    Publikasies: 172
    Kommentaar telling: 695

    Ek skryf grotendeels gedigte vir ontspanning. Ek skryf graag oor die natuur, mense en hul stories en plekke wat ek besoek het. Ek doen dikwels 'n bietjie navorsing oor 'n onderwerp voor ek skryf, want ek geniet dit om te leer. Ek hoop altyd om darem 'n emosie of twee wakker te maak met dit wat ek te sê het, en dat julle lekker saam sal lees :-)

    Gebruikers Aanlyn

    1 Lid, 84 gaste aanlyn