Welkom, Besoeker
Welkom, Besoeker

Titel: Teken van Genade

Deur Amaspoke
Datum gepubliseer: 20 April 2017 Aantal woorde: 108 59 Kere gelees 2

Wolke vorm in ‘n wasem,
vol hoop en lewenskrag
skep die heelal sy asem;
wag angstig op Sy krag.

Kalm is wind se gewaai
wat aanhoudend bly kla;
weg is die ewige lawaai
oor die las wat hulle dra.

Aarde se dorstige stem,
soekende na verlossing
sny soos ‘n mes se lem,
smeek in verwondering.

Reën, lank is die gewag
dat jy hierdie dors voed,
en die donkerte wat lag
verdrywe met jou vloed.

Mens, sondige aardlinge,
Engele wat dans en sing
bring van die Almagtige
redding vir Sy skepping.

Duifies koer vreugdevol
hul liedjie tot aansporing;
rustig gelukkig, vredevol,
bring hulle die oortuiging.

20/04/2017 © C. du Plessis




  • TEMAS

    Laat u kommentaar

    GESKRYF DEUR
    profiel foto van Amaspoke

    Jy moet ingeteken wees om boodskappe aan hierdie skrywer te kan stuur.

    Publikasies: 52
    Kommentaar telling: 129

    Ek wou nog altyd skryf en het uiteindelik laas jaar 'n bundel uitgebring. Ek bedink nie spesifiek 'n skrywe nie, dit kom spontaan en op ingewing van die oomblik. Ek sal enige kommentaar, sleg of goed, aanvaar met ope arms.

    Gebruikers Aanlyn

    3 Lede, 86 gaste aanlyn