Welkom, Besoeker
Welkom, Besoeker

Titel: Superman-pa van my kleintyd

Deur Elroux
Datum gepubliseer: 16 Maart 2017 Aantal woorde: 224 98 Kere gelees 3

kleintyd Pa het jy vir my reg langs Superman gestaan
jy my held sou ek volg tot by die maan
ons was vinkel en koljander
die een eet graag roomys so soos die ander

vir my was jy die beste my super sterk pa
wat stories lees en my op jou skouers dra
saam het ons gelag vir ons snaakse skaduwee
wat een kon word en dan weer twee
saam het ons ‘n droom-karavaan gebou
om by Ouma in die Kaap te gaan vakansie hou

toe sonder om iets te sê het jy weggegaan
ek moes agterbly en kon nie verstaan
in my drome was alles soos dit kleintyd was
ek kon perdjie ry en jy hou my weer styf vas
saam kon ons twee lag en speel
saam stories lees, saam roomys deel

maar toe kom ‘n vreemde pa terug na my
my kleintyd drome was verby
‘n pa wat nie lag of roomys eet
een wat niks van stories weet
ek kon nog my skaduwee laat verdwyn
maar ons saamwees was net skyn
jy wou nie meer hê ek moet saam met jou
ons droom-karavaan klaar bou

vandag weet ek my koljanderpa vinkel is anders as jy
jy is nie ‘n super-held nie net ‘n mens met voete van klei
maar vir my sal jy
altyd my superman-pa van my kleintyd bly




  • TEMAS

    Laat u kommentaar

    GESKRYF DEUR
    profiel foto van Elroux

    Jy moet ingeteken wees om boodskappe aan hierdie skrywer te kan stuur.

    Publikasies: 143
    Kommentaar telling: 67

    'n Pretorianer van geboorte tot nou. Ek was 'n navorser en het die lewe van alle kante gesien en beleef. Ek is geseën met vier lieflike kinders en 'n wonderlike man. Op 68 jaar is ek in my herfstyd waar ek elke dag binne die genade van die Here leef. Om te dig gee betekenis aan my lewe en ek hoop dat my skrywes iets vir ander mense kan beteken.

    Gebruikers Aanlyn

    1 Lid, 50 gaste aanlyn

    Bydrae Totale