Welkom, Besoeker
Welkom, Besoeker

Titel: Stryd sonder beleid

Deur Amaspoke
Datum gepubliseer: 24 Mei 2017 Aantal woorde: 112 39 Kere gelees 1

In die son en die wind se gemaal,
staan die lande onbewerk en kaal;
tussen die massa verdwyn jul taal,
geskiedenis gaan homself herhaal.

As die son aarde so skroei en brand,
met oues van dae kort van verstand,
vervaag wysheid, verpand vir ‘n rand;
antwoorde is skaars vir jul vaderland.

Julle kla, julle sweet en julle roep uit;
wyl julle Hom uit julle lewens uitsluit,
en die stryd wil veg sonder ‘n beleid,
vra julle”Is die belofte die waarheid?”

Gister is lank gelede verby; ‘n prentjie,
wat voortbestaan saam met ‘n liedjie;
verleë, maar julle sê die woorde nie,
HERE help ons, ons het nie raad nie.

24/05/2017 © C. du Plessis




  • TEMAS
    1 Kommentaar
    1. profiel foto van neels

      neels

      Mei 25, 2017

      Dankie Casper ek geniet altyd jou werk baie

    Laat u kommentaar

    GESKRYF DEUR
    profiel foto van Amaspoke

    Jy moet ingeteken wees om boodskappe aan hierdie skrywer te kan stuur.

    Publikasies: 50
    Kommentaar telling: 129

    Ek wou nog altyd skryf en het uiteindelik laas jaar 'n bundel uitgebring. Ek bedink nie spesifiek 'n skrywe nie, dit kom spontaan en op ingewing van die oomblik. Ek sal enige kommentaar, sleg of goed, aanvaar met ope arms.

    Gebruikers Aanlyn

    0 Lid, 40 gaste aanlyn