Welkom, Besoeker
Welkom, Besoeker

Titel: Stap in my skoene vandag

Deur Linda du Plessis
Datum gepubliseer: 28 Julie 2017 Aantal woorde: 234 46 Kere gelees 1

Stap in my skoene vandag

Elke oggend dou voor dag
soek my voete my beste vriend se knus omhels
my skoene
wit blou swart groen pienk geel bruin
gepunt rond hoog laag toe of oop
tekkies drafskoene hoëhakke stewels op die aarde plat

stap ek deur my drumpel vandag
dalk op ‘n sleeptog dalk met huppel of op ‘n wals
my skoene
af met trappies oor marmer oor ‘n sandduin
die spore wat ek trap op die pad wat ek loop
deur vrede vreugde hartseer soms oomblikke van haat

druk my skoene my weer deur die dag
is my emosie vol teleurstellings woede en ek rebels
my skoene
is die afdraendes of gelyktes minder as die steilste kruin
my skoene vol stof en modder sonder geloof en hoop
of blink hulle skitterend op my uitgelegde lewenspad

is kritiek op my beste wat ek gee elke dag
mense wat nie in my skoene loop wat vals
my skoene
vermy omdat hulle weet dat die branders bots en hoogte na die kruin
volkome van alle menswaardigheid gestroop
maar my skoene die doringgesaaide kronkelpad moet vat

ek nooi jou uit kom trek aan my skoene vandag
kom stap die tree en kilometers terwyl hulle jou voete omhels
my skoene
jou hakskene en tone nerfaf skuur of sagkens in die tuin
van die lewe voetspore trap waarop ander wil loop
en saans uitskop vir daardie welverdiende voete-bad




  • TEMAS

    Laat u kommentaar

    GESKRYF DEUR
    profiel foto van Linda du Plessis

    Jy moet ingeteken wees om boodskappe aan hierdie skrywer te kan stuur.

    Publikasies: 28
    Kommentaar telling: 2

    Ek was 'n onderwyseres, getroud, het drie kinders en vyf kleinkinders. Ek was vir tien jaar hooforganiseerder en bemarker van die Boertjie Kontreifees op Bultfontein (www.vollaboertjiefees.co.za) en het verlede jaar uitgetree en is nou saam met my man permanent op toer om ons passie vir ons land, die natuur en diere deur fotografie uit te leef. Ek het so twee jaar gelede uitgevind dat ek gedigte kan skryf en het sopas my 200 ste gedig geskryf en my eerste boek "Suid-Afrika deur die oë van ons lense met kiekies en gedigte" voltooi wat binnekort na die drukker gestuur gaan word. Dit het 256 bladsye, 550 foto's met 55 bypassende gedigte. Ek is op Facebook onder Linda du Plessis en Gedigte, Rympies, Foto's en Geestelike pitkos. Ek sal graag wil opgradeer na 'n betalings opsie. Baie dankie en seënwense!

    Gebruikers Aanlyn

    1 Lid, 46 gaste aanlyn