Welkom, Besoeker
Welkom, Besoeker

Titel: Skoppelmaai

Deur Loretta Szikra
Datum gepubliseer: 21 Februarie 2017 Aantal woorde: 102 167 Kere gelees 2

Draai swaai skoppelmaai
speel hy met haar hart
wielie-walie rondomtalie
reguit na haar smart!

Sy weet sy’s net n speelparkie
waar hy sy tyd verdryf
vandag vól opwinding
môre eenkant toe geskuif.

Vandag is sy die ás
waarom sy wêreld draai
die greep aan die trapeze-tou
waaraan hy veilig swaai.

n Klimraam vir sy ego
foefie-slide na sy geluk
Raak hy moeggespeel
word sy môre weer stil-stil
die hangkas ingedruk!

Sy weet hy is geen traan werd
die einde is
lankal reeds in sig
soos n vuilgevatte veerperd
bly sy steeds hoopvol
en hardkoppig wag op niks!




  • TEMAS

    Laat u kommentaar

    GESKRYF DEUR
    profiel foto van Loretta Szikra

    Jy moet ingeteken wees om boodskappe aan hierdie skrywer te kan stuur.

    Publikasies: 44
    Kommentaar telling: 48

    Gebruikers Aanlyn

    0 Lid, 63 gaste aanlyn