Welkom, Besoeker
Welkom, Besoeker

Titel: Skatkis van geheimenis

Deur Elroux
Datum gepubliseer: 23 Maart 2017 Aantal woorde: 173 65 Kere gelees 1

kom sit hier styf teen my my kind
dan wys ek vir jou ‘n goue bal
verkleur van wit na geel na rooi
wat vinnig na die aarde val
as die wêreld in gebed stil raak
kom hou my hand styf vas
as die nag ons onder haar kombers toemaak
hoor hoe breek die stilte oop
in ‘n simfonie van klank
by die ou leivoor
‘n loflied van dank
word ver gehoor
kom deel met my die wonders van die nag
ster-diamante wat hang in die lug
‘n blink-papier maan wat ‘n buiging maak
van agter ‘n swart fluweel gordyn
saam kan ons na haar dans deur die heelal kyk
saam na die verste sterre reik
sit jou kop hier op my skouer
dan vertel ek jou van die sonneblom-son
wat in oranje en geel oopgaan
as ligstrale deur die wolke kom
haar nag pêrelsnoere
in goue drade vasvang
so sluit ek vir jou ‘n skatkis
vol geheimenisse oop
met die natuur se juwele
wat jy nie met geld kan koop




  • TEMAS

    Laat u kommentaar

    GESKRYF DEUR
    profiel foto van Elroux

    Jy moet ingeteken wees om boodskappe aan hierdie skrywer te kan stuur.

    Publikasies: 137
    Kommentaar telling: 69

    'n Pretorianer van geboorte tot nou. Ek was 'n navorser en het die lewe van alle kante gesien en beleef. Ek is geseën met vier lieflike kinders en 'n wonderlike man. Op 68 jaar is ek in my herfstyd waar ek elke dag binne die genade van die Here leef. Om te dig gee betekenis aan my lewe en ek hoop dat my skrywes iets vir ander mense kan beteken.

    Gebruikers Aanlyn

    4 Lede, 67 gaste aanlyn