Welkom, Besoeker
Welkom, Besoeker
Taal waarskuwing*

Titel: Sing jy van blomme

Deur Caren Kearley
Datum gepubliseer: 7 Junie 2017 Aantal woorde: 111 50 Kere gelees 1

Nou dat sy gaan
na die stil ongebraakbaarheid
van yl vergetelheid–
lywig van buite;
(met bitter min
wat binne agterbly)
nou wil hy die afstande verwens
waarin hy haar metamorfies
gekelk het na sy somber sin;
net om sy hande
in haar onskuld te was
haar waters van rus
troebel te laat bloei
met jou mara-stroompies
terwyl sy sing van blomme.

Ja, nóú wil hy sy heerlikheid
halfhartig verklaar;
hier, waar geen tabernakel
ooit weer gebou sal staan.

Nou dat sy wil skuil
teen die stilkant van haar trane
nou wil hy vuur spoeg
en reenboë verskeur.

Ja, nou dat sy gaan
wil hy haar uhuru afbaan

© 2017 Caren Kearley
Kopiereg voorbehou




  • TEMAS
    3 Kommentaar
    1. profiel foto van Okatopi

      Okatopi

      Junie 7, 2017

      Stunning ….. baie dankie

    2. profiel foto van Anze

      Anze

      Junie 8, 2017

      Pragtig, baie dankie vir jou bydrae tot die Junie FAK projek

    Laat u kommentaar

    GESKRYF DEUR
    profiel foto van Caren Kearley

    Jy moet ingeteken wees om boodskappe aan hierdie skrywer te kan stuur.

    Publikasies: 23
    Kommentaar telling: 1

    Ek het groot geword in Namibia en meeste van my tiener jare in Namaqualand spandeer. Gematrikuleer in die Paarl by La Rochelle Hoër Meisieskool en onder andere ‘n diploma in aankopebestuur verwef by Varcity Kampus in Rondebosch.  Ek woon tans saam met my man en twee dogters in een van die mooiste Bolandse dorpies, Wellington. Ek doen balsaal dans vir ontspanning en boks vir selfverdediging  Solank as wat ek kan onthou maal woorde al deur my kop. Om gedigte te skryf was nog altyd my manier om sin te maak van die lewe.  Vir my kinders het ek altyd gesê dat kunstenaars onsterflik is en indien my gedigte ooit publikasie haal, sal hulle vir altyd ietsie van my hê. My wildste verwagtinge is oortref, toe ek uiteindelik ‘n digbundel in my hande vashou waarin ‘n paar van my gedigte verskyn.  Nou is ek dankbaar vir ‘n talent wat ek miskien te lank weggesteek het en dus beplan ek nie om verder tyd te mors nie. My grootste droom is om eendag ‘n klein bydrae te lewe in die bevordering van Afrikaans deur my eie digbundel te kan puliseer.

    Gebruikers Aanlyn

    0 Lid, 20 gaste aanlyn