Welkom, Besoeker
Welkom, Besoeker

Titel: Seshonderd Rupees

Deur Loretta Szikra
Datum gepubliseer: 10 Maart 2017 Aantal woorde: 235 164 Kere gelees 2

Dalk ken jy niks beter nie
glo dis hoe die lewe is
weet nie van kind wees nie
of dit wat jy daarvan mis…

Te vroeg te vinnig
van jou reg as kind ontneem
jou menswees en kinderhart
met armoede heen.

Jou kinderlike onskuld
is met jou weggedoen
deur die krotbuurthonde wat hulself
liefdevolle ouers noem!

Vir seshonderd Rupees
kan jou sussie
jou vryheid t’rug koop
in ruil daarvoor haar lyf
aan n pedofiel verkoop.

Dou voor dag voor die son
oor ons wêreld kom skyn
kap jy lankal klippe
wyl sy uitgelewer teen haar wil
die agterstrate in verdwyn…

Al grillerige vuil-aard
het vrye toegang tot háár reg
Haar pyn en leiding steek sy snags
in gedempte snikke weg.

Ware liefde sal vir altyd net
ń illusie vir haar wees
Julle vryheid net ń droom
wat nooit realiseer…

Dalk eendag sal die lewe jou
ń beter kaart kom deel
Maar vir nóú bly seshonderd Rupees
vir jul vryheid van keuse
en kinderreg te veel.⁠⁠⁠⁠

***  Ek wou die gedig eers nie plaas nie, as gevolg van die brutale realiteit en hartseer daarvan, maar dit is harde ware feite. Feite wat ons nie kan of mag miskyk nie. Hopelik, kan ons as skrywers met woorde raakslaan waar dit saak maak, en sodoende die mensdom meer bewus maak van kommersiële uitbuiting ten opsigte van kinders. Dié was ook die rede vir my heel eerste Haiku – Slawekind.***




  • TEMAS
    1 Kommentaar
    1. profiel foto van Barbara

      Barbara

      Maart 11, 2017

      so hartseer

    Laat u kommentaar

    GESKRYF DEUR
    profiel foto van Loretta Szikra

    Jy moet ingeteken wees om boodskappe aan hierdie skrywer te kan stuur.

    Publikasies: 43
    Kommentaar telling: 47

    Gebruikers Aanlyn

    1 Lid, 35 gaste aanlyn