Welkom, Besoeker
Welkom, Besoeker

Titel: Selfs nóú dat jy weg is

Deur Viooltjie
Datum gepubliseer: 23 Augustus 2017 Aantal woorde: 82 41 Kere gelees 1

… sal olifante – swaar van voet –
steeds teen rante en oor vlaktes loop,
en sal hul sagte hout en purper bas
van kaaltaak kremetarte stroop.

… sal ‘n kolgans vlug deur skemer lig
en kwêlaswerms oor die water vee.
‘n Grootlangtoon sal weer sirkels vlieg,
die kiewiet (dalk) ‘n bietjie harder skree.

… sal elke volmaan vir jou vlam
– die dae sal breek tot klatergoud.
En waar lig so wasig tussen bome hang
sal nog ‘n jakkals tjank, in ‘n winterwoud.

© Carma Shaw
23 Augustus 2017

 




  • TEMAS
    1 Kommentaar
    1. profiel foto van Anze

      Anze

      Augustus 23, 2017

      Pragtig, baie dankie vir jou bydrae tot die Augustus – As die seisoene draai projek 

    Laat u kommentaar

    GESKRYF DEUR
    profiel foto van Viooltjie

    Jy moet ingeteken wees om boodskappe aan hierdie skrywer te kan stuur.

    Publikasies: 211
    Kommentaar telling: 725

    Ek skryf grotendeels gedigte vir ontspanning. Ek skryf graag oor die natuur, mense en hul stories en plekke wat ek besoek het. Ek doen dikwels 'n bietjie navorsing oor 'n onderwerp voor ek skryf, want ek geniet dit om te leer. Ek hoop altyd om darem 'n emosie of twee wakker te maak met dit wat ek te sê het, en dat julle lekker saam sal lees :-)

    Gebruikers Aanlyn

    0 Lid, 98 gaste aanlyn

    Bydrae Totale