Welkom, Besoeker
Welkom, Besoeker

Titel: Plakkers in koudwees

Deur Linda du Plessis
Datum gepubliseer: 22 Julie 2017 Aantal woorde: 145 30 Kere gelees 2

Plakkers in koudwees

Wintervingers knel koud en styf

om ‘n bibberend tandknetterend lyf

sopas uit sy plakkershuis verdryf

Houe reen, versplinter glas

dit wat is, is nou was

waarheen nou ‘n bittere las

Sinke wieg, kantel, val stofslag neer

meer en meer en meer

handwringend staan hul daar, sonder hoop, sonder keer

Die vriesende nag vou sy arms om

liggame, siele dom

van waar sal enige genade kom

Moeders gooi hul laaste verflenterde kleed

oor hul koue rukkende leed

terwyl koue yskoue vingers hul pad verbreed

Vaders kniel sonder hoop biddend neer

offer hul harte aan hul Heer

om tog die koue van hul af te weer

Slegs ‘n koue ingetrekte stywe hoop

totaal van menswees afgestroop

lê ‘n yskoue bondeltjie kleinwees waar mensevoete loop

want gister se koue neerslag is vandag die dood

en die geweenklaagnoot

verstil by die yskoue graf sonder ‘n woord




  • TEMAS

    Laat u kommentaar

    GESKRYF DEUR
    profiel foto van Linda du Plessis

    Jy moet ingeteken wees om boodskappe aan hierdie skrywer te kan stuur.

    Publikasies: 28
    Kommentaar telling: 2

    Ek was 'n onderwyseres, getroud, het drie kinders en vyf kleinkinders. Ek was vir tien jaar hooforganiseerder en bemarker van die Boertjie Kontreifees op Bultfontein (www.vollaboertjiefees.co.za) en het verlede jaar uitgetree en is nou saam met my man permanent op toer om ons passie vir ons land, die natuur en diere deur fotografie uit te leef. Ek het so twee jaar gelede uitgevind dat ek gedigte kan skryf en het sopas my 200 ste gedig geskryf en my eerste boek "Suid-Afrika deur die oë van ons lense met kiekies en gedigte" voltooi wat binnekort na die drukker gestuur gaan word. Dit het 256 bladsye, 550 foto's met 55 bypassende gedigte. Ek is op Facebook onder Linda du Plessis en Gedigte, Rympies, Foto's en Geestelike pitkos. Ek sal graag wil opgradeer na 'n betalings opsie. Baie dankie en seënwense!

    Gebruikers Aanlyn

    1 Lid, 60 gaste aanlyn