Welkom, Besoeker
Welkom, Besoeker

Titel: PANORAMA PLUNDER

Deur Francois Meyer
Datum gepubliseer: 10 Julie 2017 Aantal woorde: 48 18 Kere gelees 1

floraflappe wapper
in verkluimende wind
en kraters van kurk
het in stukkende sug oor
my berhange kom hurk

roesklip het roekeloos
oor my fondament gerank
en die lewe uit my eens
somervallei kom ruk

die oomblik toe jy
met ‘n bliksemblits
die laaste iris uit my
panorama pluk




  • TEMAS
    2 Kommentaar
    1. profiel foto van Anze

      Anze

      Julie 11, 2017

      Pragtig, baie dankie vir jou bydrae tot die Julie Oop en nuwe projek

    Laat u kommentaar

    GESKRYF DEUR
    profiel foto van Francois Meyer

    Jy moet ingeteken wees om boodskappe aan hierdie skrywer te kan stuur.

    Publikasies: 9
    Kommentaar telling: 17

    Francois Terblanche Meyer is op 21 Januarie 1994 in Bloemfontein gebore. Hy het in 2012 aan Hoërskool Fichardtpark gematrikuleer. Tempora Animus, Francois se debuut digbundel, is op 26 September 2013 en Onder die Dekmantel, sy tweede digbundel, op 17 Januarie 2015 vrygestel. Onder die Dekmantel se eerste oplaag het binne ses maande uitverkoop. Op 30 Oktober 2015 het Francois Onder die Dekmantel: Die Spesiale Uitgawe vrygestel – ‘n spesiale hermeesterde weergawe vanOnder die Dekmantel asook Tempora Animus. Op 25 Junie 2016 het Francois sy amptelike derde digbundel, Digtershart, vrygestel. Dié bundel het na die aand van bekendstelling reeds 50% uitverkoop. Francois beskou dit as die laaste skoonskryf in ‘n trio van emosionele en persoonlike digbundels. Op 21 Januarie 2017 het Francois sy eerste prosastuk, Die wêreld deur haar oë, bekendgestel. Dié boek vertel ‘n storie van ‘n vrou en haar stryd met Lupus (‘n outo-immuun siekte) en raak aan die liggaamlike, emosionele en geestelike aspekte daarvan. Francois het Die wêreld deur haar oë aan sy ma, Anne-Marie Meyer, opgedra. “Die boek is my ma se getuienis en verhaal. Ek het die pad in haar skoene geloop tydens die skryf van hierdie boek, nadat sy in 2007 met Lupus gediagnoseer is. Die skryfproses van hierdie boek het my ook genees.” Francois het na bekendstelling van hierdie boek hande met Lupus SA (NPO 173-306) gevat en 10% van alle verkope van dié boek word aan hulle geskenk. Weens groot aanvraag na spoedige uitverkoping van vele oplae van sy eerste drie digbundels, het Francois op 15 Junie 2017 ‘n volledige omnibus van Tempora AnimusOnder die Dekmantel en Digtershart vrygestel. Hierdie versamelstuk (waarvan daar slegs ‘n beperkte hoeveelheid voorraad vrygestel is) staan bekend as Digtershart Drie-Kuns. Tydens 2011 was hy ook een van die finaliste in die finale rondte van die Senwes Entrepreneurs Kompetisie met sy grafiese ontwerp besigheid, Logo Worx (nou Infinitum Projects), wat hy reeds op 16-jarige ouderdom gestig het.  Op 8 Julie 2015 het Francois ‘n platform vir die Afrikaanse Kuns en Kultuur, naamlik KunsWeb, gestig. Op 28 Oktober 2016 moes Francois sielswroegend van KunsWeb afskeid neem na bietjie meer as ‘n jaar van groot sukses. Hierdie besluit het tot gemengde reaksie gelei. Nadat Francois ook ‘n groot verskil in verskeie opkomende digters en skrywers se lewens gemaak het, het hy sy persoonlike tyd saam met sy familie bo sy beroep se sukses gekies. Hy woon tans in Bloemfontein en sy grootste droom is om ander deur middel van kreatiwiteit in hul drome te laat glo. Hy staan ook sterk vir kreatiewe vryheid. “As jou drome jou nie bang maak nie, droom jy nie groot genoeg nie!”

    Gebruikers Aanlyn

    0 Lid, 59 gaste aanlyn