Welkom, Besoeker
Welkom, Besoeker
Taal waarskuwing*

Titel: Pakkasie

Deur Caren Kearley
Datum gepubliseer: 7 April 2017 Aantal woorde: 106 91 Kere gelees 2

Eens het ek jou saamgedra
soos ‘n abbasiel
los van my hart
op die rugkant van my gees;
ek’t die pad na jou hart gesoek
vreemde spore in die stof
(vol littekens en letsels)
is al wat ek kon vind,
‘wyl jy soos ‘n skaduwee om my hang.

My enigste verlossing
(uit hierdie hel van ontkenning)
was b-e-s-i-n-n-i-n-g —
wat jou siel ontsê
want só sou jy jouself nooit ontsier;
om ‘n ander se ag vir jouself te neem
sal jou nog van jou eie self vervreem.

Dis dan beter om hier te groet
en my myself te verlig uit jou skaduwee.

© 2017 Caren Kearley
Kopiereg voorbehou




  • TEMAS
    1 Kommentaar
    1. profiel foto van Palet

      Palet

      April 7, 2017

      Hou hiervan

    Laat u kommentaar

    GESKRYF DEUR
    profiel foto van Caren Kearley

    Jy moet ingeteken wees om boodskappe aan hierdie skrywer te kan stuur.

    Publikasies: 74
    Kommentaar telling: 5

    Ek het groot geword in Namibia en meeste van my tiener jare in Namaqualand spandeer. Gematrikuleer in die Paarl by La Rochelle Hoër Meisieskool en onder andere ‘n diploma in aankopebestuur verwef by Varcity Kampus in Rondebosch.  Ek woon tans saam met my man en twee dogters in een van die mooiste Bolandse dorpies, Wellington. Ek doen balsaal dans vir ontspanning en boks vir selfverdediging  Solank as wat ek kan onthou maal woorde al deur my kop. Om gedigte te skryf was nog altyd my manier om sin te maak van die lewe.  Vir my kinders het ek altyd gesê dat kunstenaars onsterflik is en indien my gedigte ooit publikasie haal, sal hulle vir altyd ietsie van my hê. My wildste verwagtinge is oortref, toe ek uiteindelik ‘n digbundel in my hande vashou waarin ‘n paar van my gedigte verskyn.  Nou is ek dankbaar vir ‘n talent wat ek miskien te lank weggesteek het en dus beplan ek nie om verder tyd te mors nie. My grootste droom is om eendag ‘n klein bydrae te lewe in die bevordering van Afrikaans deur my eie digbundel te kan puliseer.

    Gebruikers Aanlyn

    2 Lede, 67 gaste aanlyn