Welkom, Besoeker
Welkom, Besoeker

Titel: Ou offerkan

Deur Elroux
Datum gepubliseer: 15 April 2017 Aantal woorde: 144 123 Kere gelees 2

ingeduik, dof, vol stof…
geroeste melkkan weggegooi
e
e
n
s…
blinkskoon geskrop vol…
witwarm melk wat voed
soos ‘n moeder omring deur haar kroos
kinderhandjies uitgestrek
my met liefdespatroontjies gemerk
met sagte hande geliefkoos
my kinders kry alles en vra nog
my kinders wat hul in my spieël
ek, so gelukkig, so gesog
in slap babalyfies het ek spiere gebou
alles gegee…
hul voete op die aarde gehou
maar nou is daar nie meer kinders wat vra
hulle het verdwyn in besige grootmenslywe –
wat meer hou van boksiemelk
en kitskoffie met cremora
ek is nou vir niks anders goed
net ‘n uitgediende melkkan vol
grond wat ‘n honger plant moet voed
krom spinnekoppootjies maak nou patroontjies
in die stof
ek, so alleen met my ou geroeste lyf
voel net nog soms die sagte roering van ‘n blaar
liefkosend teen my vryf




  • TEMAS

    Laat u kommentaar

    GESKRYF DEUR
    profiel foto van Elroux

    Jy moet ingeteken wees om boodskappe aan hierdie skrywer te kan stuur.

    Publikasies: 137
    Kommentaar telling: 67

    'n Pretorianer van geboorte tot nou. Ek was 'n navorser en het die lewe van alle kante gesien en beleef. Ek is geseën met vier lieflike kinders en 'n wonderlike man. Op 68 jaar is ek in my herfstyd waar ek elke dag binne die genade van die Here leef. Om te dig gee betekenis aan my lewe en ek hoop dat my skrywes iets vir ander mense kan beteken.

    Gebruikers Aanlyn

    1 Lid, 95 gaste aanlyn