Welkom, Besoeker
Welkom, Besoeker

Titel: Os aan ‘n Renostervriend

Deur Linda du Plessis
Datum gepubliseer: 25 Julie 2017 Aantal woorde: 390 15 Kere gelees 2

Ode aan ‘n Renostervriend

My hart breek in stukke en ek voel jou pyn
en die vrees dat jy van die aardbol kan verdwyn
veg ons teen ‘n oormag wat jou een vir een
skiet en in stukke opkerf en ons hartstogtelik daaroor ween

Ek sien in my geestesoog hoe jy hardloop en vlug
gewetenlose gewere skiet geluidlose skote in jou rug
deurboor koeëls jou lyf en val jy pynvol bloeiend neer
jou verwarde kalfie en jy jul nie teen wreedaards kan verweer

Ek weet dat jy dalk vir jou kind verbete kon baklei
maar die oormag te groot as jou lewe stadig uit jou gly
sae messe jou horing dalk nog lewendig begin saag
jou bloed spuitend spoeg en jou lewe stadig stadig vervaag

Besoekers in die wildtuin ry ver om jou statigheid te ervaar
word jy saam met ander diere vir ons nageslag bewaar
ek vir ure na jou en jou horing en hoe jy wei kan kyk en geniet
afneem en die plesier van kykgenot wat jy en kleintjie my bied

Ek weet hoe mense veg om jou te laat oorleef elke dag
met wagte kampe heinings en planne teen die mag
van stropers wat skelm in die dag en nag jou kom dood
om teen ‘n prys jou wit goud verruil vir geld en brood

Ek huil want ons nageslagte gaan net op foto’s jou ervaar
die menshande wat jou moes versorg speel nou met jou klaar
jou bonkige sterk trotswees het geen kans teen man en geweer
word jy in jou spore gestop en een skoot jou tot stilstand keer

Stroper ja jy met die geweer in die hand wat renosters verraai
geslepe, doelgerigte, afgemete korrelvat jou geweer gelaai
ons kleinood finaal met een skoot in die stof laat byt
vir note in jou sak en rykdom en doepe vir ander tot ons bittere spyt
stroper sal ons jou ooit kan stuit teen jou aanslag so fataal
sal ons ooit met al ons pogings oor jou die oorwinning behaal

oor my wange druppel die trane van verdriet en val in die sand
as ek besef dat God se toevertrou sterf aan ons mensdom se hand
net soos die trane in die sand wegsypel, verdamp en verdwyn
jy ook so finaal gaan verdwyn en huil my hart van hartseer en pyn!

©Kopiereg Linda du Plessis 2017




  • TEMAS
    1 Kommentaar
    1. profiel foto van neels

      neels

      Julie 26, 2017

      Absoluut puik geskryf

    Laat u kommentaar

    GESKRYF DEUR
    profiel foto van Linda du Plessis

    Jy moet ingeteken wees om boodskappe aan hierdie skrywer te kan stuur.

    Publikasies: 28
    Kommentaar telling: 2

    Ek was 'n onderwyseres, getroud, het drie kinders en vyf kleinkinders. Ek was vir tien jaar hooforganiseerder en bemarker van die Boertjie Kontreifees op Bultfontein (www.vollaboertjiefees.co.za) en het verlede jaar uitgetree en is nou saam met my man permanent op toer om ons passie vir ons land, die natuur en diere deur fotografie uit te leef. Ek het so twee jaar gelede uitgevind dat ek gedigte kan skryf en het sopas my 200 ste gedig geskryf en my eerste boek "Suid-Afrika deur die oë van ons lense met kiekies en gedigte" voltooi wat binnekort na die drukker gestuur gaan word. Dit het 256 bladsye, 550 foto's met 55 bypassende gedigte. Ek is op Facebook onder Linda du Plessis en Gedigte, Rympies, Foto's en Geestelike pitkos. Ek sal graag wil opgradeer na 'n betalings opsie. Baie dankie en seënwense!

    Gebruikers Aanlyn

    0 Lid, 47 gaste aanlyn