Welkom, Besoeker
Welkom, Besoeker

Titel: Oktober 2017 – Fees projek

Deur Anze
Datum gepubliseer: 2 Oktober 2017 Aantal woorde: 329 43 Kere gelees 1

Hierdie maand pak ons die snelsonnet aan.

In die digterskategorie is die opdrag:

Skryf ‘n snelsonnet met die volgende tema: Fees / Dis ‘n fees / Die lewe is ‘n fees.
Aangeheg is inligting aangaande die reëls vir ‘n snelsonnet.

In die verhale afdeling is die opdrag:

Skryf ‘n vonkfiksie (nie meer as 400 woorde)

met die volgende tema: Fees / Dis ‘n fees / Die lewe is ‘n fees.
WOORDTELLINGS MOET langs die tema van jou storie geplaas word.
Die titel maak nie deel van jou 400 woorde nie.

In die rubriek afdeling is die opdrag:

Skryf ‘n artikel (soos in jou gunsteling tydskrif) oor enige Afrikaanse kunstefees met werkbare en ware inligting. Jy hoef nie self al hierdie feeste begewoon het nie, maar kan ‘n algemene rubriek skryf om dit te bemark.

Lekker skryf
Projekbestuurder.

Reëls vir ‘n Snelsonnet

Om ’n snelsonnet te wees, moet die gedig voldoen aan hierdie volgende kriteria:
• Dit bestaan altyd uit een kwatryn (4 reëls), gevolg deur ’n koeplet (2 reëls).
• As metrum dien die vyfvoetige jambe (10 klankgrepe, afwisselend onbeklemtoon en beklemtoon).
• Die rym van die kwatryn = ‘omarmend’ (rymskema: A-B-B-A).
• De reëls van die koeplet rym met mekaar (rymskema: C-C) maar nooit met één van die klanke wat reeds as eindrym in die kwatryn gebruik is nie.
• Na die laaste sin van die kwatryn volg ’n stilte, sodanig dat die koeplet die stelling in die kwatryn relativeer.
Voorbeelde:
1.Probeer is die beste geweer
Met moedersmelk, op skool en vadersknie
het ek geleer wat vorm jou murg en bloed:
staan vas, hou uit, hou aan, geduld en moed.
Geen vraag of dit aanwesig was of nie …
Ek hoop die ‘pledge’ van reënboognasieland
bring meer as mag, korrupsie, sent en rand.
(estelleke)
2.Sabbatsjaar
Na ploeg by kwasi-akademici
kom handskoenjubelnuus en nuwe lus.
Swoeg sewe jaar hierna en snak na blus:
wie leer? wie onderrig? nie seker nie …
Die oes word ryp vir goue akkerblaar:
die rus is elders, dalk nóg hier nóg daar.
(estelleke)




  • TEMAS

    Laat u kommentaar

    GESKRYF DEUR
    profiel foto van Anze

    Jy moet ingeteken wees om boodskappe aan hierdie skrywer te kan stuur.

    Publikasies: 155
    Kommentaar telling: 1417

    Woorde is my asem en skryf my passie!!! Ek waardeer elke stukkie kritiek, verkieslik positief, maar kan die negatiewe ook hanteer. Dankie dat jy die tyd neem om na my werke te kyk en dit te beoordeel. Ek is n Boeremeisie in murg en been... mal oor die wye natuur van plaaslewe wat my omring Ek is getroud met die wonderlikste man (Willie). Ons is geseend met 3 pragtige dogters en 'n kleinseun en 3 kleindogters. My verhouding tot my Skepper loop baie diep en ek dank Hom elke dag vir al die voorregte en genade gawes wat ek so onverdiend ontvang... Loutering is deel van my lewe en ook daarvoor dank ek Hom daagliks want dit maak dat daar altyd groei in my lewe is...

    Gebruikers Aanlyn

    5 Lede, 73 gaste aanlyn