Welkom, Besoeker
Welkom, Besoeker

Titel: Nostalgie van kind

Deur GeorgieSmith
Datum gepubliseer: 17 Maart 2017 Aantal woorde: 165 74 Kere gelees 2

Wanneer nostalgie, met klawer vingers,
begin om ‘n ou onthou liedjie met jou siel te speel,
dan klim verlang snoesig in jou hart in,
skep ‘n ruimte van behoort,
en hartseer kom sit op jou skoot.
Wanneer gister se vrae weer in jou kop inklim,
en al jou dink weer oor begin,
dan loop jy kaalvoet, alleen oor ‘n grysklip pad,
en wonder telkens oor en oor, vir wat?
Wanneer twyfel oor die grootmaak van jou kind,
die binneste kante van jou hart verslind,
dan gryp jy verdrietig en benoud,
na enige enige behoud,
want niks is so absoluut kranksinnig seer,
soos verwyt oor ‘n ouer se besluit.
Dis dan wannneer ek verlang,
na my biddende ma, my saggeaarde pa,
na die onskuld van my kindwees,
toe ek kon leef sonder vrees.
En ek wil so graag vra:
“Mamma, sê vir my, is ek die ma
wat jy kon dink ek sou wees,
want ek wil so graag glo,
jy sien dit van daar bo.




  • TEMAS
    1 Kommentaar
    1. profiel foto van Elroux

      Elroux

      Maart 18, 2017

      ‘n pragtige broos gedig wat nostalgie goed uitbeeld

    Laat u kommentaar

    GESKRYF DEUR
    profiel foto van GeorgieSmith

    Jy moet ingeteken wees om boodskappe aan hierdie skrywer te kan stuur.

    Publikasies: 13
    Kommentaar telling: 0

    Net 'n woord smous wat dag vir dag in gedigte leef met die hoop dat die son nooit sal ophou skyn nie.

    Gebruikers Aanlyn

    5 Lede, 48 gaste aanlyn