Welkom, Besoeker
Welkom, Besoeker
Taal waarskuwing*

Titel: Napeinsing

Deur Caren Kearley
Datum gepubliseer: 1 September 2017 Aantal woorde: 99 18 Kere gelees 1

By ons ontmoeting het ek jou reeds
só gevind, my hartslam
(verdrietig en bebrose)
toegesluit soos ‘n traak-my-niet-kokewiet
nooit sou jy kon vlieg, my dierbare ding
diep in my siel het jou hart oop geskiet.

Ek het gesien
hoe jy verdwyn
met elke haatvlam
van jou hart se
aarselende
narsitiese klop
terwyl jou vlerke ontbind.

Ek het geluister na jou uurglas
en die gruis-stiltes
van jou korreltjies sand
wat tydloos verdwyn.

Vasgeklem in jou koper koutjie
reis jy deur ‘n wêreld
van goud en glans
waar ylweg jou
tjirpetjie-tjirp
weerklink
vergenoegd
in jou vergetelheid.

@ 2017 Caren Kearley
Kopiereg Voorbehou




  • TEMAS
    2 Kommentaar
    1. profiel foto van Palet

      Palet

      September 1, 2017

      Hou hiervan

    2. profiel foto van Calice

      Calice

      September 1, 2017

      Baie mooi beskryf, met baie gevoel..

    Laat u kommentaar

    GESKRYF DEUR
    profiel foto van Caren Kearley

    Jy moet ingeteken wees om boodskappe aan hierdie skrywer te kan stuur.

    Publikasies: 60
    Kommentaar telling: 5

    Ek het groot geword in Namibia en meeste van my tiener jare in Namaqualand spandeer. Gematrikuleer in die Paarl by La Rochelle Hoër Meisieskool en onder andere ‘n diploma in aankopebestuur verwef by Varcity Kampus in Rondebosch.  Ek woon tans saam met my man en twee dogters in een van die mooiste Bolandse dorpies, Wellington. Ek doen balsaal dans vir ontspanning en boks vir selfverdediging  Solank as wat ek kan onthou maal woorde al deur my kop. Om gedigte te skryf was nog altyd my manier om sin te maak van die lewe.  Vir my kinders het ek altyd gesê dat kunstenaars onsterflik is en indien my gedigte ooit publikasie haal, sal hulle vir altyd ietsie van my hê. My wildste verwagtinge is oortref, toe ek uiteindelik ‘n digbundel in my hande vashou waarin ‘n paar van my gedigte verskyn.  Nou is ek dankbaar vir ‘n talent wat ek miskien te lank weggesteek het en dus beplan ek nie om verder tyd te mors nie. My grootste droom is om eendag ‘n klein bydrae te lewe in die bevordering van Afrikaans deur my eie digbundel te kan puliseer.

    Gebruikers Aanlyn

    2 Lede, 79 gaste aanlyn