Welkom, Besoeker
Welkom, Besoeker

Titel: ‘n namiddag in Stellenbosch (laatherfs)

Deur Viooltjie
Datum gepubliseer: 22 Mei 2017 Aantal woorde: 79 90 Kere gelees 2

 

wyl witstamberke
se blare geel raak,
die druif se blad
tot roesbruin kom

die berg se piek
so effe skuins leun,
geëts teen blou
en amperwinterson –

pryk amber akkerbome
so laatherfs loofverlore,
staan straathoek bedelaars
in komberse toegemaak

en weerklink deur endlersale*
sang in vele tale
– word pepermossies*
uit nuwe monde hergebore

© Carma Shaw
22 Mei 2017

*endlersale – verwys na die Endlersaal in die Konserwatorium op Stellenbosch Universiteits kampus

* pepermossies – verwys na Laurika Rauch se liedjie ‘Vir ‘n pepermossie’




  • TEMAS
    2 Kommentaar
    1. profiel foto van neels

      neels

      Mei 23, 2017

      Hierdie is nou hoendervleis mooi Carma

    Laat u kommentaar

    GESKRYF DEUR
    profiel foto van Viooltjie

    Jy moet ingeteken wees om boodskappe aan hierdie skrywer te kan stuur.

    Publikasies: 192
    Kommentaar telling: 707

    Ek skryf grotendeels gedigte vir ontspanning. Ek skryf graag oor die natuur, mense en hul stories en plekke wat ek besoek het. Ek doen dikwels 'n bietjie navorsing oor 'n onderwerp voor ek skryf, want ek geniet dit om te leer. Ek hoop altyd om darem 'n emosie of twee wakker te maak met dit wat ek te sê het, en dat julle lekker saam sal lees :-)

    Gebruikers Aanlyn

    0 Lid, 197 gaste aanlyn