Welkom, Besoeker
Welkom, Besoeker

Titel: My storie-wêreld

Deur Elroux
Datum gepubliseer: 17 Maart 2017 Aantal woorde: 121 89 Kere gelees 1

moes kaalvoet op rotse trap
tog kon ek huppel-stap
vreugdes-liedjie op my lippe
voel ek nie die vlymskerp klippe
want in my bladsak
was my stories gepak
in my storie labirint
kon ek myself verloor en vind
in stories kon ek ver weg gaan
was ek ‘n huppel-kind
wat bonte versierings aan kaal takke hang
ander se trane afdroog
met my verfkwaste in reënboogkleure gedoop
verf ek vir my ‘n nuwe wêreld oop
kon ek in verwondering
sonder vrees
goed genoeg wees
gewigloos deur kosmos-kleure sweef
woorde in die lug gooi en vang
verse in pêrelsnoere bind
en om die maan se hals hang
sonder my storie-wêreld
sou my pen se punt verdrink
in getraande swart ink




  • TEMAS

    Laat u kommentaar

    GESKRYF DEUR
    profiel foto van Elroux

    Jy moet ingeteken wees om boodskappe aan hierdie skrywer te kan stuur.

    Publikasies: 137
    Kommentaar telling: 71

    'n Pretorianer van geboorte tot nou. Ek was 'n navorser en het die lewe van alle kante gesien en beleef. Ek is geseën met vier lieflike kinders en 'n wonderlike man. Op 68 jaar is ek in my herfstyd waar ek elke dag binne die genade van die Here leef. Om te dig gee betekenis aan my lewe en ek hoop dat my skrywes iets vir ander mense kan beteken.

    Gebruikers Aanlyn

    0 Lid, 33 gaste aanlyn