Welkom, Besoeker
Welkom, Besoeker

Titel: My ma se huis is bottergeel

Deur Viooltjie
Datum gepubliseer: 27 Mei 2017 Aantal woorde: 109 91 Kere gelees 2

Mamma,
in jou tuin is daar ‘n plek waar die son opkom.
Sy vly haar strale teen die mure van jou huis,
haar lig vloei by jou kamers en jou gange in.

Snags blink die maan bo jou woning –
‘n vol maan wat nooit sy glans verloor nie.
Sterre dans en strale krans om jou vye-
en amandelbome.

Ja, die son en die maan en die sterre
loof jou met hul ligspel,
hulle eer jou in die dag en in die nag.

Jou huis se mure het jy bottergeel geverf
want jy verstaan hoe lig werk.

En waar daar lig is, is daar geen donker nie.

© Carma Shaw
27 Mei 2017




  • TEMAS
    1 Kommentaar
    1. profiel foto van Anze

      Anze

      Mei 27, 2017

      Pragtig, baie dankie vir jou bydrae tot die Mei Moedersdag/Vonkfiksie projek 

    Laat u kommentaar

    GESKRYF DEUR
    profiel foto van Viooltjie

    Jy moet ingeteken wees om boodskappe aan hierdie skrywer te kan stuur.

    Publikasies: 192
    Kommentaar telling: 707

    Ek skryf grotendeels gedigte vir ontspanning. Ek skryf graag oor die natuur, mense en hul stories en plekke wat ek besoek het. Ek doen dikwels 'n bietjie navorsing oor 'n onderwerp voor ek skryf, want ek geniet dit om te leer. Ek hoop altyd om darem 'n emosie of twee wakker te maak met dit wat ek te sê het, en dat julle lekker saam sal lees :-)

    Gebruikers Aanlyn

    0 Lid, 294 gaste aanlyn