Welkom, Besoeker
Welkom, Besoeker

Titel: MY FILMRESENSIES uit die buiteland

Deur Toom
Datum gepubliseer: 6 Augustus 2017 Aantal woorde: 472 584 Kere gelees 2

My FILMRESENSIES uit die buiteland

Met HERNUWINGS en TOEVOEGINGS

Mense het al gesê, „Ja, alles goed en wel. Maar óns kry nooit sulke films te sien nie!”

Hier is ‘n paar wenke. Ek weet nie of dit alles gaan werk nie; wie weet miskien kan iemand tog een van die films sien.

In grotere stede is daar in die Cineplexx of Cinemaxx of hoe-ook-al-dit-genoem-word so-en-soveel sale — tot oor twintig het ek al gesien. In twee of drie daarvan word „gehaltvolle” films, ook „buitelandse”☆) films vertoon, dikwels met engelse ondertitels. Ek het dit in Kaapstad gesien en ek meen êrens in Johannesburg-Noord het ek reklame daarvoor gesien. Die prys vir ‘n kaartjie bly min of meer dieselfde, meen ek.

☆)Dws: nie uit GB of USA nie.

In sommige teaters word films vertoon wanneer daar geen teaterstuk speel nie; ek dink byvoorbeeld aan die Labia in Kaapstad. Daar is seker ander teaters wat in die leegstaantyd geld wil verdien. By die Labia was die Nederlandse Bank as borg betrokke, meen ek – miskien lê ‘n program in hul toonbanksaal uit?

In die ambassades en konsulate word ook geleentlik die nuutste produksies uit hul land vertoon, dikwels met engelse ondertitels. Hoe mens daar inkom weet ek nie. Vir „Like father, like son” sou ek na ‘n japaanse diplomatiese verteenwoordiging gaan en vra hoe hulle dit handhaaf.

Ook in die grootstede is daar kultuurverenigings en klubs waar mense heenkom om in die buiteland met hul landsmanne en -vroue bymekaar te kom. Vir „Ich und Kaminski” kan mens by die Goethe Institut of die Deutsche Klub in die betrokke stad navra. Vir „Le Goût des merveilles” (met die Peertert) soek die Alliance Francaise en vra of hulle dit in hul program het. En so ook met alle nasies: Belgies, Italiaans, Sweeds, Noorweegs, Nederlands, Switsers . . . Vra by die konsulaat waar hulle kultuurvereniging is; hulle byt mos nie!

Alles hierbo is natuurlik makliker vir stedelinge, maar vir plattelanders soms byna onmoontlik — buiten jy het oornagtingsmoontlikheid by Tante Esmerelda of so iemand in die stad.

Dan is natuurlik die (vage?) moontlikheid om die DVD te koop. My ervaring hier in Duitsland is dat die amerikaanse ,blockbusters‘ goedkoop – ja onderprys – verkoop word; en die europese films moet maar kyk hoe hulle nakom, wat die verkope betref. Ook HDs. Dis einapryse maar ons kan die film herhaaldelik oor die jare weersien – en uitleen.

Vra by die konsulaat ook of dit moontlik is om die DVD uit te leen – teen ‘n fooi miskien.

Nie die videoteke vergeet nie, besonders in die wyke met ‘n hoë immigrante-aandeel. Miskien loop jy soiets of ‘n ander interessante film raak. (Hulle verkoop ook ou DVDs na so-en-soveel keer uitgeleen. (So het ek aan my voorraad van Afrikaanse films gekom: die „nuwe” Liefling, Hanna Hoekom, ‘n paar oues met Al debbo, Jamie Uys . . . )

©.2016…………]:o(…|⊛⊛⊛⊛|(o;Þ……………..tje

ËëëëÏïïïï„„„„„„„„„„




  • TEMAS
    3 Kommentaar
    1. profiel foto van Anze

      Anze

      Mei 6, 2016

      dankie vir die inligting Toom

    2. neels

      Mei 6, 2016

      Soos altyd leersaam

    3. profiel foto van Toom

      Toom

      Mei 15, 2016

      Ag, ja!
      ° Moenie vergeet om in die videoteek in te loer nie! Besonders in die wyke met ‘n hoge immigrant-aandeel. Miskien loop jy soiets, of ‘n andere raak.
      GvT

    Laat u kommentaar

    GESKRYF DEUR
    profiel foto van Toom

    Jy moet ingeteken wees om boodskappe aan hierdie skrywer te kan stuur.

    Publikasies: 137
    Kommentaar telling: 134

    Wat ek weet, of meen dat ek weet, het ek onder meer op praktiese manier in die klaskamer geleer - aan en van die kinders - ook my belewenisse van konferensies en kongresse, dagblaaie, biertjies op die stoep en die gans normale daaglikse waansin. Byna vyftig jare woon ek al in Duitsland; eindelik kan gestolde gedagtes, verflenterde notatjies nou uit hul winterslaap wagword. My uitgangspunt is dat die woorde lekker moet proe, glad oor die tong moet rol. Alles wat ek skryf is outobiografies - ek het nie die geld vir die prokureur nie.

    Gebruikers Aanlyn

    1 Lid, 60 gaste aanlyn