Welkom, Besoeker
Welkom, Besoeker

Titel: My bastion

Deur Anze
Datum gepubliseer: 6 Julie 2017 Aantal woorde: 106 38 Kere gelees 2

in die donker dae
toe my asem stom
(soos kameelboggels)
in my oë gehang het,
het jou omgee en
stil verstaan
soos ‘n Josefskleed
om my gevou

toe die aasvoëls
se aanhoudende gepik
my uitmekaar wou skeur
en hadidas se stemme
my mal wou maak
het jy ystermure
om my broosheid
gebou

deur stormwinde
wat riete in my pols
wou knak en buig
het jy deur die git
van my hartsmandjie
gebreek en saggies
vir my nuwe vlerke
gekweek

jou wese is my bastion
want in jou stilte
het ek my vrede
gevind en
in jou palms
die wonder
van ons toekoms
gesien

© Anzé Bezuidenhout




  • TEMAS
    2 Kommentaar
    1. profiel foto van Francois Meyer

      Francois Meyer

      Julie 13, 2017

      Lieflike beelde! Baie mooi verwoord!

    Laat u kommentaar

    GESKRYF DEUR
    profiel foto van Anze

    Jy moet ingeteken wees om boodskappe aan hierdie skrywer te kan stuur.

    Publikasies: 151
    Kommentaar telling: 1412

    Woorde is my asem en skryf my passie!!! Ek waardeer elke stukkie kritiek, verkieslik positief, maar kan die negatiewe ook hanteer. Dankie dat jy die tyd neem om na my werke te kyk en dit te beoordeel. Ek is n Boeremeisie in murg en been... mal oor die wye natuur van plaaslewe wat my omring Ek is getroud met die wonderlikste man (Willie). Ons is geseend met 3 pragtige dogters en 'n kleinseun en 3 kleindogters. My verhouding tot my Skepper loop baie diep en ek dank Hom elke dag vir al die voorregte en genade gawes wat ek so onverdiend ontvang... Loutering is deel van my lewe en ook daarvoor dank ek Hom daagliks want dit maak dat daar altyd groei in my lewe is...

    Gebruikers Aanlyn

    2 Lede, 80 gaste aanlyn