Welkom, Besoeker
Welkom, Besoeker
Taal waarskuwing*

Titel: Meimaand se mantra

Deur Caren Kearley
Datum gepubliseer: 30 April 2017 Aantal woorde: 129 164 Kere gelees 6

Iewers op die oewers
van my lewe
het Meimaand
jou kom kry.
Jy wou weet
of my son jou ook sal vergeet,
of sy strale jou voetspore sou afmeet
in die lig van my volmaan
waar drome ruimteloos
deur die lug sou sweef.

Jy wou weet
of jou stem sou dwaal
deur die gedagtegange van my dae
terug na daardie dag
toe jy nog jou vingers
deur my hare kon vleg
terwyl ons luister
na die mantra van Eros.

Al wat ek wou weet
is of jy my kon hou
in die palm van jou hand se walm
sonder om te talm,
my vas te klem
of te smoor
terwyl ek dans oor die oewers
van jou lewenstroom
tot by die mond van jou oseaan.

© 2017 Caren Kearley
Kopiereg voorbehou.




  • TEMAS
    3 Kommentaar
    1. profiel foto van Anze

      Anze

      Mei 1, 2017

      Pragtig, baie dankie vir jou bydrae tot die April ope afdeling projek 

    2. profiel foto van Koekekranka

      Koekekranka

      Mei 3, 2017

      Spontaan, pragtig!

    3. profiel foto van Palet

      Palet

      Mei 3, 2017

      Baie mooi

    Laat u kommentaar

    GESKRYF DEUR
    profiel foto van Caren Kearley

    Jy moet ingeteken wees om boodskappe aan hierdie skrywer te kan stuur.

    Publikasies: 74
    Kommentaar telling: 5

    Ek het groot geword in Namibia en meeste van my tiener jare in Namaqualand spandeer. Gematrikuleer in die Paarl by La Rochelle Hoër Meisieskool en onder andere ‘n diploma in aankopebestuur verwef by Varcity Kampus in Rondebosch.  Ek woon tans saam met my man en twee dogters in een van die mooiste Bolandse dorpies, Wellington. Ek doen balsaal dans vir ontspanning en boks vir selfverdediging  Solank as wat ek kan onthou maal woorde al deur my kop. Om gedigte te skryf was nog altyd my manier om sin te maak van die lewe.  Vir my kinders het ek altyd gesê dat kunstenaars onsterflik is en indien my gedigte ooit publikasie haal, sal hulle vir altyd ietsie van my hê. My wildste verwagtinge is oortref, toe ek uiteindelik ‘n digbundel in my hande vashou waarin ‘n paar van my gedigte verskyn.  Nou is ek dankbaar vir ‘n talent wat ek miskien te lank weggesteek het en dus beplan ek nie om verder tyd te mors nie. My grootste droom is om eendag ‘n klein bydrae te lewe in die bevordering van Afrikaans deur my eie digbundel te kan puliseer.

    Gebruikers Aanlyn

    0 Lid, 237 gaste aanlyn