Welkom, Besoeker
Welkom, Besoeker
Taal waarskuwing*

Titel: Mabalêl se blerts

Deur Caren Kearley
Datum gepubliseer: 8 April 2017 Aantal woorde: 88 83 Kere gelees 2

Vir jou was ek
net ‘n skets in die sand,
‘n vormlose versinsel
van jou verstand;
dié’t jy ooparms geeïen;
wit sandsteentjes
wat v-e-r-r-a-s-s-e-n-d
korreltjie vir korreltjie
deur jou vingers val.

O koud was dié windjie
toe jy Mabalêl hoor lag
vanuit haar donker stil
‘wyl my verwaaide skets
onheil in jou woning saai.
Uit ‘n wêreld heeltemal agterstevoorom
lui haar lokkende laggie soos ‘n klokkie
maar terugkeer sal sy nimmermeer.
soos my skets
in jou voetspore
net ‘n blerts.

© 2017 Caren Kearley
Kopiereg voorbehou




  • TEMAS

    Laat u kommentaar

    GESKRYF DEUR
    profiel foto van Caren Kearley

    Jy moet ingeteken wees om boodskappe aan hierdie skrywer te kan stuur.

    Publikasies: 28
    Kommentaar telling: 2

    Ek het groot geword in Namibia en meeste van my tiener jare in Namaqualand spandeer. Gematrikuleer in die Paarl by La Rochelle Hoër Meisieskool en onder andere ‘n diploma in aankopebestuur verwef by Varcity Kampus in Rondebosch.  Ek woon tans saam met my man en twee dogters in een van die mooiste Bolandse dorpies, Wellington. Ek doen balsaal dans vir ontspanning en boks vir selfverdediging  Solank as wat ek kan onthou maal woorde al deur my kop. Om gedigte te skryf was nog altyd my manier om sin te maak van die lewe.  Vir my kinders het ek altyd gesê dat kunstenaars onsterflik is en indien my gedigte ooit publikasie haal, sal hulle vir altyd ietsie van my hê. My wildste verwagtinge is oortref, toe ek uiteindelik ‘n digbundel in my hande vashou waarin ‘n paar van my gedigte verskyn.  Nou is ek dankbaar vir ‘n talent wat ek miskien te lank weggesteek het en dus beplan ek nie om verder tyd te mors nie. My grootste droom is om eendag ‘n klein bydrae te lewe in die bevordering van Afrikaans deur my eie digbundel te kan puliseer.

    Gebruikers Aanlyn

    4 Lede, 67 gaste aanlyn