Welkom, Besoeker
Welkom, Besoeker

Titel: Limpopo onbegrens

Deur Viooltjie
Datum gepubliseer: 20 Julie 2017 Aantal woorde: 119 34 Kere gelees 2

(Sy sien nog soms die beeste
sy hoor hul klokke lui –
die klongelklank wat willoos
oor alle grense gly)

LIMPOPO ONBEGRENS

klongel-klongel
praat die klokke –

“Groot Limpopo
ons hang hier
om die nekke van jou beeste
tussen oewers
oor die grense
deur die droë loop
van jou rivier.

Aan die oorkant
op jou walle
staan die vrou
vanuit die Suide
sy luister na jou winde
en na ons klokkespel geluide.

Sy groet jou groot Limpopo
sy groet jou groot rivier
want môre sal sy weg wees
maar dan hang ons nog steeds hier

en klongel-klongel
om die nekke van jou beeste.

En van als hier in die Noorde
is dié verlies
vir haar die meeste.”

© Carma Shaw
20 Julie 2017




  • TEMAS
    1 Kommentaar
    1. profiel foto van Anze

      Anze

      Julie 20, 2017

      Pragtig, baie dankie vir jou bydrae tot die Julie Oop en nuwe projek 

    Laat u kommentaar

    GESKRYF DEUR
    profiel foto van Viooltjie

    Jy moet ingeteken wees om boodskappe aan hierdie skrywer te kan stuur.

    Publikasies: 192
    Kommentaar telling: 702

    Ek skryf grotendeels gedigte vir ontspanning. Ek skryf graag oor die natuur, mense en hul stories en plekke wat ek besoek het. Ek doen dikwels 'n bietjie navorsing oor 'n onderwerp voor ek skryf, want ek geniet dit om te leer. Ek hoop altyd om darem 'n emosie of twee wakker te maak met dit wat ek te sê het, en dat julle lekker saam sal lees :-)

    Gebruikers Aanlyn

    1 Lid, 77 gaste aanlyn