Welkom, Besoeker
Welkom, Besoeker

Titel: liefde vir die stofpad

Deur Marisa J. Labuschagne
Datum gepubliseer: 17 Augustus 2017 Aantal woorde: 158 46 Kere gelees 4

Stofwolke sluip oor die horison waar wattewolke in die hemel baljaar.
Met ʼn belofte van reën soos ʼn man se hand,
ʼn Elia belofte vir die basdroog land.
Tussen Calvinia en Sutherland, oor die grondpad waar die warrels wink,
lê die landskap wat heet my geboorteplek, plek waar ek vrede vind.
Weg van die bordeë van die stad, hier, in die stofpad bly ek mens, man en kind,
By die preekstoel aan die kant van die groot vallei voel ek vry, rustig, gevind.
Hier in die Roggeveld, tussen veegoed en skaap, by die klipkrale en grensmure,
klink die minnelied van die kaal vlaktes in ʼn droë wintertyd;
skitter soos sonligdag, en laat my siel stukkend uitskree, huil en lag.
Maar my hart hou vas aan die dae reeds verby,
waar liefde my vasbind aan die stofpad onder my

**bordeë – kunsmatig vrolike samekomste/ interaksies tussen mense van die stad
** basdroog – so droog dat die grondoppervlak soos die growwe bas van ʼn boom vertoon




  • TEMAS
    2 Kommentaar
    1. profiel foto van Palet

      Palet

      Augustus 17, 2017

      Mooi

    2. profiel foto van Anze

      Anze

      Augustus 17, 2017

      Pragtig, baie dankie vir jou bydrae tot die Augustus – As die seisoene draai projek 

    Laat u kommentaar

    GESKRYF DEUR
    profiel foto van Marisa J. Labuschagne

    Jy moet ingeteken wees om boodskappe aan hierdie skrywer te kan stuur.

    Publikasies: 28
    Kommentaar telling: 22

    Gebruikers Aanlyn

    1 Lid, 19 gaste aanlyn

    Bydrae Totale