Welkom, Besoeker
Welkom, Besoeker

Titel: liefde is ‘n storie (Italiaanse sonnet)

Deur Viooltjie
Datum gepubliseer: 22 Februarie 2017 Aantal woorde: 116 171 Kere gelees 2

Onthou jy nog my hande met hul merke –
jou vingers het jy sag daaroor laat gaan.
Langs aar se blou – wat oor die rugkant baan –
het jy verklaar “dis wind en weer se werke,

maar letsels word (oplaas) die lewensvlerke.”
Met dieper weet as wat bloot geskrywe staan
kon jy my hart lees, tot by die eerste traan –
jou oë se kyk was altyd sonder perke.

Was daar ooit ‘n siel sonder skaad of skande.
My oë vertel vergeefs nog die verhaal –
om lief te hê, dit was ons nie beskore.
Ek lees nog soms ons storie op my hande
en ek dig dit tussen lyne – sonder taal.
Alle liefde gaan eindelik verlore.

© Carma Shaw
22 Februarie 2017




  • TEMAS
    2 Kommentaar
    1. profiel foto van neels

      neels

      Februarie 23, 2017

      Hierdie slag het jy my gevang. gewoonlik as ek die titel sien weet ek klaar dit is Carma se werk maar hierdie slag het ek nie geweet nie.

      • profiel foto van Viooltjie

        Viooltjie

        Februarie 24, 2017

        Baie dankie, Neels. Ek waardeer jou saamlees en kommentaar 🙂

    Laat u kommentaar

    GESKRYF DEUR
    profiel foto van Viooltjie

    Jy moet ingeteken wees om boodskappe aan hierdie skrywer te kan stuur.

    Publikasies: 190
    Kommentaar telling: 703

    Ek skryf grotendeels gedigte vir ontspanning. Ek skryf graag oor die natuur, mense en hul stories en plekke wat ek besoek het. Ek doen dikwels 'n bietjie navorsing oor 'n onderwerp voor ek skryf, want ek geniet dit om te leer. Ek hoop altyd om darem 'n emosie of twee wakker te maak met dit wat ek te sê het, en dat julle lekker saam sal lees :-)

    Gebruikers Aanlyn

    1 Lid, 25 gaste aanlyn