Welkom, Besoeker
Welkom, Besoeker

Titel: Lente

Deur Elroux
Datum gepubliseer: 18 September 2017 Aantal woorde: 102 45 Kere gelees Hou van

saggies-saggies kom jy nader
skugter briesie dra jou geur
kanferfoelie, petunias, jasmyn en frangipani
jy bring bloureën, sonsoekertjies en wilde salie
om saam te dans met skaam viooltjies in my tuin
jy gooi ‘n bont kombers oor winter skade
bloeisels dartel uit kleure spatsels van jou palet
jy verf helder prentjies oor vaal winters kleed
jy blom voluit teen die blou van Gods genade
nuwe lewe borrel en bruis in jou are
met vinknessies versier jy koorsboom takke
jy bring ‘n tyd om saam te bou
aan iets van ewige waarde
alles maak weer sin
jy bring ‘n nuwe begin

©Evanthe 2017




  • TEMAS
    4 Kommentaar
    1. Viooltjie

      September 18, 2017

      Dis ‘n pragtige gedig oor die lente, Elroux. Baie goed gedoen 🙂

    2. profiel foto van Anze

      Anze

      September 23, 2017

      Pragtig, baie dankie vir jou bydrae tot die September – Lente projek

    Laat u kommentaar

    GESKRYF DEUR
    profiel foto van Elroux

    Jy moet ingeteken wees om boodskappe aan hierdie skrywer te kan stuur.

    Publikasies: 143
    Kommentaar telling: 67

    'n Pretorianer van geboorte tot nou. Ek was 'n navorser en het die lewe van alle kante gesien en beleef. Ek is geseën met vier lieflike kinders en 'n wonderlike man. Op 68 jaar is ek in my herfstyd waar ek elke dag binne die genade van die Here leef. Om te dig gee betekenis aan my lewe en ek hoop dat my skrywes iets vir ander mense kan beteken.

    Gebruikers Aanlyn

    0 Lid, 49 gaste aanlyn

    Bydrae Totale