Welkom, Besoeker
Welkom, Besoeker

Titel: LASLAPPIE TAAL

Deur HelenaMellet
Datum gepubliseer: 12 Mei 2017 Aantal woorde: 94 63 Kere gelees Hou van

gevorm, gegroei in my kop
verby my kleintongetjie gegly
teen my verhemelte die trilling gekry
in my kieste rond gehop
my tong agter my tande laat stop
het klanke woorde oor my lippe gelei
so het die taal ook deel geword van my
dink, droom en praat ek dit sonder stop

daar gesteel, hier aanmekaargeflans
volke saamgevoeg soos ‘n groot bont kombers
my laslappie taal, my Afrikaans
vorm, groei en blom sy in klank en vers
die taal waarin ek dink, droom en dans
werk ek myself vas aan ons laslappie taal kombers

©HMellet




  • TEMAS
    1 Kommentaar
    1. profiel foto van Toom

      Toom

      Mei 13, 2017

      Treffend, baie treffend!
      Inderdaad inspirerend (en heelwat beter as ‘n ou knorrige ,taaltirade’).
      Mos!
      Nè?
      Dankie. GvT

    Laat u kommentaar

    GESKRYF DEUR
    profiel foto van HelenaMellet

    Jy moet ingeteken wees om boodskappe aan hierdie skrywer te kan stuur.

    Publikasies: 103
    Kommentaar telling: 76

    Ek is maar net 'n kaalvoetkind van Namakwaland, verslaaf aan die reuk van ink op papier en honger vir woorde wat siele versadig, of dit nou uit my pen kom of joune.

    Gebruikers Aanlyn

    0 Lid, 42 gaste aanlyn