Welkom, Besoeker
Welkom, Besoeker

Titel: Kruispad

Deur Linda du Plessis
Datum gepubliseer: 27 Julie 2017 Aantal woorde: 232 36 Kere gelees 1

KRUISPAD

Miskien is daar nou ook ander wat by ‘n kruispad staan…

net soos ek wat stap op my lewenspad
soms moeisaam soms flink
soms vol slaggate soms geteer
soms gehul in donkerte soms geskiiter in lig
soms nou soms breed
soms met ‘n traan soms met ‘n lag

gekronkel deur berge en dale
oor driwwe en passe
steiltes op en afdraendes af
teen slakkepas of in versnelling
neergeslaan maar opgestaan
weet ek waar van ek waar deur ek is

nou staan ek op ‘n kruispad
vier rigtings +
een vorentoe ^
een links
een agtertoe v wat ek reeds ken

die keuse is myne
watter een is voorspoed
watter een dalk op pad na teespoed
watter een die regte keuse
watter een slegte uiteinde
die keuse bly myne

dan slaan ek my Bybel oop
by Spreuke drie vers ses
“Ken Hom in al jou weë
dan sal Hy jou paaie gelyk maak”
en ek weet dat die pad wat ek gaan kies
U my na gelei het om sy voetspore te volg

‘n pad waar U my oor die dorings en struikelblokke gaan dra
my gaan optel waar ek val … maar ook
‘n pad gesaai met GELOOF en HOOP
omgee verdraagsaamheid vreugde vrede geduld vriendelikheid goedhartigheid getrouheid nederigheid selfbeheersing
en die grootste van almal … LIEFDE

lei U my… ek sal U volg
en waar ek faal weet ek U sal my optel

Amen




  • TEMAS

    Laat u kommentaar

    GESKRYF DEUR
    profiel foto van Linda du Plessis

    Jy moet ingeteken wees om boodskappe aan hierdie skrywer te kan stuur.

    Publikasies: 28
    Kommentaar telling: 2

    Ek was 'n onderwyseres, getroud, het drie kinders en vyf kleinkinders. Ek was vir tien jaar hooforganiseerder en bemarker van die Boertjie Kontreifees op Bultfontein (www.vollaboertjiefees.co.za) en het verlede jaar uitgetree en is nou saam met my man permanent op toer om ons passie vir ons land, die natuur en diere deur fotografie uit te leef. Ek het so twee jaar gelede uitgevind dat ek gedigte kan skryf en het sopas my 200 ste gedig geskryf en my eerste boek "Suid-Afrika deur die oë van ons lense met kiekies en gedigte" voltooi wat binnekort na die drukker gestuur gaan word. Dit het 256 bladsye, 550 foto's met 55 bypassende gedigte. Ek is op Facebook onder Linda du Plessis en Gedigte, Rympies, Foto's en Geestelike pitkos. Ek sal graag wil opgradeer na 'n betalings opsie. Baie dankie en seënwense!

    Gebruikers Aanlyn

    1 Lid, 30 gaste aanlyn