Welkom, Besoeker
Welkom, Besoeker

Titel: Komediespel

Deur Elroux
Datum gepubliseer: 31 Maart 2017 Aantal woorde: 98 69 Kere gelees 4

jy vloei in my are
gegraveer
in my hart
in my wese
bly ek na jou verlang
hou ek aan komedie speel
hoor ek jou borrel-laggie
jou opgewonde roep
“Kyk mamma kyk”
ek wil my indink en verbeel
dag vir dag
dat jy by die huis vir my wag
aand vir aand
sit ek in die duister
wagtend…
op jou huppel-stappie
en luister…
o die leegheid van die dood
wat die werklikheid ontbloot
weer en weer
deur my komediespel breek
tog hou ek aan probeer
om die skerwe van my komediespel
nog net een maal…
op te tel




  • TEMAS

    Laat u kommentaar

    GESKRYF DEUR
    profiel foto van Elroux

    Jy moet ingeteken wees om boodskappe aan hierdie skrywer te kan stuur.

    Publikasies: 137
    Kommentaar telling: 67

    'n Pretorianer van geboorte tot nou. Ek was 'n navorser en het die lewe van alle kante gesien en beleef. Ek is geseën met vier lieflike kinders en 'n wonderlike man. Op 68 jaar is ek in my herfstyd waar ek elke dag binne die genade van die Here leef. Om te dig gee betekenis aan my lewe en ek hoop dat my skrywes iets vir ander mense kan beteken.

    Gebruikers Aanlyn

    5 Lede, 46 gaste aanlyn