Welkom, Besoeker
Welkom, Besoeker

Titel: klip harde klip

Deur Elroux
Datum gepubliseer: 22 Julie 2017 Aantal woorde: 114 24 Kere gelees 2

vanaf die begin van die skepping
uit moeder(aarde)skoot geweef
lê eeue se begin in onverstoorde rus
deel van die paradys en die sondeval is jy
van die mens se wen en verloor

jy is in vloedwaters gemaal
deur krygers vertrap
deur rotse verdruk
deur vuur gelouter en son gebak
met reën geseën
in stof verstik
gebruik om te bou
gebruik om te breek
deur beskawing geskuur

jy is deel van ons hoogste prestasie
ons laagste val
‘n klipharde klip
geskop
gegooi
goed vir niks…

tog sien jy in jou verganklikheid
(soos ons) reikhalsend uit
na die volmaaktheid
van ‘n nuwe begin
sal jou hart van klip
uitroep as ons swyg




  • TEMAS
    1 Kommentaar
    1. profiel foto van Inkmoderator

      Inkmoderator

      Julie 21, 2017

      Elroux, ek verstaan wat jy met die vers probeer sê, tog vind ek die aanbieding effe ‘stokkerig’ en ‘kripties’. Dit is nie noodwendig negatief nie want poësie behoort nie té omslagtig te wees nie. By die lees egter moet die weglating van lid- en voegwoorde funksioneel verdedigbaar wees.
      Ek sou nie vreeslik hieraan verander nie maar sal voorstel jy krap bietjie daaraan en maak gebruik van ‘n paar lidwoorde en leestekens.
      Jy kan vir my ‘n inboks stuur met vrae ens. dan antwoord en help ek daar verder.

      Skryfgroete
      IM

    Laat u kommentaar

    GESKRYF DEUR
    profiel foto van Elroux

    Jy moet ingeteken wees om boodskappe aan hierdie skrywer te kan stuur.

    Publikasies: 131
    Kommentaar telling: 68

    'n Pretorianer van geboorte tot nou. Ek was 'n navorser en het die lewe van alle kante gesien en beleef. Ek is geseën met vier lieflike kinders en 'n wonderlike man. Op 68 jaar is ek in my herfstyd waar ek elke dag binne die genade van die Here leef. Om te dig gee betekenis aan my lewe en ek hoop dat my skrywes iets vir ander mense kan beteken.

    Gebruikers Aanlyn

    0 Lid, 28 gaste aanlyn