Welkom, Besoeker
Welkom, Besoeker
Verwys na kategorie

4de Skryfkompetisie – Ink.org.za (1 Desember 2017 tot 31 Maart 2018)

Groep 7 en SAVryskutskrywer is bereid om weer ons INK-lede (digters en skrywers afsonderlik!) te borg vir hierdie kompetisie. Die wenners sal op die gala-aand volgende jaar (Datum sal nog aangekondig word in 2018) aangekondig word en dan ook persoonlik hulle pryse van die borge ontvang.

Die kompetisie het geen tema nie en lede kan self besluit of hulle ‘n digbundel, kortverhale/sketse of ‘n verhaal wil inskryf. Jy moet genoeg plasings (120 bl) op INK doen om te kwalifiseer en MOET ‘n geregistreerde en betalende lid wees om te kan deelneem.

Lede wat inskryf moet daarop let dat INK en borge betrokke GEEN redigeer werk aan die boeke/bundels gaan doen of verantwoordelikheid daarvoor aanvaar nie. Dit is elke lid wat inskryf se plig om toe te sien dat sy/haar inskrywings taalkundig versorg en korrek is.

Daar is ‘n eerste plek in die gedigte ASOOK ‘n eerste plek in die verhale en dit is nie waar die goeie nuus ophou nie … ons het ook ‘n 2de prys in elke afdeling

1. Ingeskrewe lede van INK kan deelneem aan die beplande kompetisie in 2 afdelings nl boeke en digbundels wat in 2018 geloots word.

2. Die inskrywings word deur INK geadministreer en die 10 bestes in elke afdeling deur die INK moderators gekies en aan die borge voorgelê vir beslissing. Geen korrespondensie sal oor die uitslae gevoer word nie en die beslissing is finaal.

3. Eerste prys borg (gedigte & verhale) Groep 7 drukkers en Uitgewers (Pty)Ltd

a. ontvang 10 gekeurde manuskripte wat reeds taalkundig versorg is sowel as die inligting vir die buiteblad (lokteks, foto/skets/foto skrywer of digter).

b. doen bladuitleg en buitebladontwerp vir al 10 (as hule prys vir Top 10)

c. kies 1 wenner uit die 10 finaliste vir elke afdeling en wenners ontvang bykomend:

i. Registrasie van ISBN.

ii. 50 gedrukte boeke elk.

iii. Beskikbaarstelling op Groep 7 se aanlyn boekwinkel of E-boek, volgens die normale kostes en prosedure.

4. Indien die 9 ander in die top 10, wel hulle boeke wil laat druk, is die professionele voorbereiding reeds gedoen en hulle betaal net vir die drukkostes wat ’n baie groot besparing te wee bring.

5. Hierdeur wil Groep 7 poog om die standaard van self-uitgewery te verhoog sodat dit in lyn is met die tradisionele uitgewers en boeke in die handel.

2de prys borg (gedigte & verhale): SA Vryskutskrywer

1. Die tweede pryswenner in die kortverhaalkategorie ontvang ‘n aanlynskryfkursus van SAVryskutskrywer

2. Die tweede pryswenner in die digkunskompetisie ontvang ‘n aanlynskryfkursus van SAVryskutskrywer

Dit sluit in kursusmateriaal sowel as afstandonderrig en ‘n Sertifikaat van Voltooiing, mits die kursus bevredigend afgehandel en die vereiste slaagsyfer behaal word.

Mag elke lid op INK hierdie goue leentheid aangryp en inskryf!

Skryf lekker, in INK, in Afrikaans!

Anzé

‘n Heksejaar

Deur Datum gepubliseer: 19 Februarie 2018 1

hierdie jaar gaan ek vir my
’n langsteelbesem koop
een wat baie goed kan vee
maar vlieg – dié moet dit ook

in my kamer in my kas
daar hang ’n lang swart jas
en doer agter in die laai –
‘n punthoed om te pas

ek…

Die vrou binne my

Deur Datum gepubliseer: 19 Februarie 2018 Hou van

Die vrou binne my (4de skryfkompetisie)

Diep versteek binne my
is ‘n vrou vasgekeer deur omstandighede –
breek los, breek vry!
ek soek die vrou binne my

diep versteek binne my
woed storms en swart skreeu uit
oor skadu’s van gister se seerkry
verlore is die vrou binne my

diep versteek binne…

Abstrakte kuns

Deur Datum gepubliseer: 19 Februarie 2018 1

Word die hart deur die verstand aangedryf
of word die verstand deur die hart aangedryf ?
deur die handewerk van die mens
is die begrip “liefde’ deur die wind vergans

Wat is Liefde?
liefde maak tyd kort
maak swaar lig
maak donker helder
en maak drome ‘n werklikheid

Liefde is vertroue
onthou jy nog ons beloftes
die saam besluit om…

Gebruikers Aanlyn

2 Lede, 131 gaste aanlyn

Bydrae Totale