Welkom, Besoeker
Welkom, Besoeker

Titel: Jy prikkel my sintuie

Deur Anze
Datum gepubliseer: 29 April 2017 Aantal woorde: 94 112 Kere gelees 2

ek proe jou naam
in die wasem van
purperwinde wat
soos engelvlerke
oor duinesand
vloed

in die soet reuk van
wilde jasmyn en
blou vergeet-my-nietjies
maak ek gerwe
doudrup-onthou
met kringe van ‘n
fluweel son vas

‘n kyk gevul met
heide-drome wat
laatmiddag deur
oker-wolke huppel
om so die horisonbeker
in my irisse oorvol
te skink

soetklanke van
nagmusiek speel
saggies ‘n sielslied wat
my hoor minlik tokkel
op klanke van ‘n geswelde
oorryp pers druiwetros

terwyl die vat van jou hand
my weereens na ‘n land
van melk en heuning lei

©Anzé Bezuidenhout




  • TEMAS
    4 Kommentaar
    1. profiel foto van neels

      neels

      April 29, 2017

      absolute pragwerk Anze

    2. profiel foto van Barbara

      Barbara

      April 29, 2017

      Sjoe!!! Dis verskriklik mooi!

    3. profiel foto van Kiekies

      Kiekies

      Mei 1, 2017

      Pragtige uitstekende vergelykings!!!

    4. profiel foto van Amaspoke

      Amaspoke

      Mei 2, 2017

      Uitstekende skrywe.

    Laat u kommentaar

    GESKRYF DEUR
    profiel foto van Anze

    Jy moet ingeteken wees om boodskappe aan hierdie skrywer te kan stuur.

    Publikasies: 155
    Kommentaar telling: 1417

    Woorde is my asem en skryf my passie!!! Ek waardeer elke stukkie kritiek, verkieslik positief, maar kan die negatiewe ook hanteer. Dankie dat jy die tyd neem om na my werke te kyk en dit te beoordeel. Ek is n Boeremeisie in murg en been... mal oor die wye natuur van plaaslewe wat my omring Ek is getroud met die wonderlikste man (Willie). Ons is geseend met 3 pragtige dogters en 'n kleinseun en 3 kleindogters. My verhouding tot my Skepper loop baie diep en ek dank Hom elke dag vir al die voorregte en genade gawes wat ek so onverdiend ontvang... Loutering is deel van my lewe en ook daarvoor dank ek Hom daagliks want dit maak dat daar altyd groei in my lewe is...

    Gebruikers Aanlyn

    1 Lid, 84 gaste aanlyn