Welkom, Besoeker
Welkom, Besoeker

Titel: Jy in my Wese

Deur Okatopi
Datum gepubliseer: 13 Julie 2017 Aantal woorde: 116 191 Kere gelees 2

Die nag daal neer in swanger stilte…
baar ’n wonderwerk van sprankelende sterreprag,
jou stem, jou lyf, jou diepste siel – vannaand.
En soggens, as die nag wyk voor die gloeing, op die oosterkim
vlug jy terug in spookbeelde na nêrens
as die dag begin…

Die nuwe dag breek oop in felle barensnood…
en skroei die aarde van my siel dordood
jou lyf is weg en net die rou van saamwees draal
tussen newels van realiteit en dwaal
lewe ek…

Laatmiddagstilte temper my gemoed…
die wete dat die nag sy oorvloed stort en voed
met jou, wat netnou terugkeer
en ek verdrink in ’n kolk van swanger afwagting
ek lewe weer vannag.

© F Jansen van Vuuren




  • TEMAS
    8 Kommentaar
    1. profiel foto van Elroux

      Elroux

      Mei 30, 2017

      So besondere teer manier om jou verlange uit te stort

    2. profiel foto van Palet

      Palet

      Mei 30, 2017

      Dis diep

    3. profiel foto van Inkmoderator

      Inkmoderator

      Junie 6, 2017

      Okatopi,

      Ek maak ‘n paar voorstelle hoeronder tussen [hakies]. Gesels gerus per boodskap hieroor. Ek hou van die atmosfeer wat in die vers geskep word. Mooi so.

      Die nag daal neer in swanger stilte… [Ellips altyd slegs drie punte]
      baar ’n wonderwerk van sprankelende sterreprag, [komma beter hier]
      jou stem, jou lyf, jou diepste siel – vannaand. [Leestekens aangepas]
      En soggens, as die nag wyk voor die gloeing op die oosterkim [komma; gloeiing]
      vlug jy terug in spookbeelde na nêrens [vlug kleinletter]
      as die dag begin… [lidwoord ‘as’ ingevoeg; ellips reggemaak]

      Die nuwe dag breek oop in felle barensnood… [ellips]
      en skroei die aarde van my siel dordood [ellipse uit; dordood as ‘n koppelwoord]
      jou lyf is weg en net die rou van saamwees draal
      tussen newels van realiteit en dwaal
      lewe ek… [woordorde??]

      Laatmiddagstilte temper my gemoed… [ellips]
      die wete dat die nag sy oorvloed stort en voed
      met jou, wat netnou terugkeer [ellips (1) word komma; ellips (2) verwyder]
      en ek verdrink in ’n kolk van swanger afwagting
      ek lewe weer vannag. [ellips nie nodig nie]

      Skryfgroete
      IM

    4. profiel foto van Okatopi

      Okatopi

      Junie 6, 2017

      Baie dankie

    5. profiel foto van Amaspoke

      Amaspoke

      Junie 6, 2017

      Baie diep werk.

    6. profiel foto van Okatopi

      Okatopi

      Junie 6, 2017

      dankie spoke

    Laat u kommentaar

    GESKRYF DEUR
    profiel foto van Okatopi

    Jy moet ingeteken wees om boodskappe aan hierdie skrywer te kan stuur.

    Publikasies: 52
    Kommentaar telling: 82

    Doodgewone ou wat soms skryf net omdat die lus my beetpak en iets moet uit 🙂 Verward, verweer en soms verlore.

    Gebruikers Aanlyn

    0 Lid, 35 gaste aanlyn

    Bydrae Totale