Welkom, Besoeker
Welkom, Besoeker

Titel: Jellievis

Deur Elroux
Datum gepubliseer: 4 April 2017 Aantal woorde: 111 77 Kere gelees 3

ek het geword
soos iets wat vrot
jellievis losgeskeur
van die naelstring van die see
lȇ my naaktheid bloot
ek het geen verweer
teen die seer
steeds nader oor die rande
kruip honger wurm-ingewande
om my vlees te verteer
ek het geen exo-skelet om te keer
nuuskieriges wat wil aanhou weet
skerp stokke na my steek
was ek dan nie ook eers deel van hul heelal
voor die see my uitgebraak het soos gal

trillende van opstand
rillende van afstand
ek wil nie meer
kan nie keer
die wurm in my gedy
kruip deur slymerige ingewande
in oeroue gange van verlange
om soekend sy honger te stil
na God se wil




  • TEMAS

    Laat u kommentaar

    GESKRYF DEUR
    profiel foto van Elroux

    Jy moet ingeteken wees om boodskappe aan hierdie skrywer te kan stuur.

    Publikasies: 137
    Kommentaar telling: 69

    'n Pretorianer van geboorte tot nou. Ek was 'n navorser en het die lewe van alle kante gesien en beleef. Ek is geseën met vier lieflike kinders en 'n wonderlike man. Op 68 jaar is ek in my herfstyd waar ek elke dag binne die genade van die Here leef. Om te dig gee betekenis aan my lewe en ek hoop dat my skrywes iets vir ander mense kan beteken.

    Gebruikers Aanlyn

    4 Lede, 116 gaste aanlyn