Welkom, Besoeker
Welkom, Besoeker
Taal waarskuwing*

Titel: Interpretatio graeca

Deur Epimetheus
Datum gepubliseer: 5 Julie 2017 Aantal woorde: 174 31 Kere gelees 1

Ek wonder wat jy
sou dink as jy my deesdae
kon sien –
jy wat my
dronkonosele laataand
whiskeygedagtes moes aanhoor
en sin maak uit die
stukkende woorde
wat ek al stikkend voor jou
kom neerbliksem het
terwyl jou hart bloei
omdat ek myself al lankal
oorgedra en uitgeplant het,
en jou onverdoof
laat lê het op die vloer.
Ek het myself opgeruim.
Ek het die donker opgevee
en weggebêre iewers waar
dit kon wortel skiet en
oprank vir my om in my
kleinlike eenspoor hardkoppigheid
myself teen die bergwand
op te beur en grynslaggend
in die storm te dans
terwyl my duiwels
teen die bliksems skuil.
Laat die blou blitse oor
my litweefsel liggaam
spoel en lees die beloftes
uitgeëts teen my vel:
Geen kettings kan my
langer bind nie –
Die swart riviere van my verlede lê nietig in die Suide
terwyl die stormwind my lei.
My kruis rus blymoedig
oor my bloeiende skouers-
My kompas magneties Noord,
weg van wie jy my gemaak het,
en onvoorwaardelik weg van jou.




  • TEMAS
    1 Kommentaar
    1. profiel foto van Anze

      Anze

      Julie 5, 2017

      Pragtig, baie dankie vir jou bydrae tot die Julie Oop en nuwe projek 

    Laat u kommentaar

    GESKRYF DEUR
    profiel foto van Epimetheus

    Jy moet ingeteken wees om boodskappe aan hierdie skrywer te kan stuur.

    Publikasies: 30
    Kommentaar telling: 4

    Gebruikers Aanlyn

    0 Lid, 79 gaste aanlyn