Welkom, Besoeker
Welkom, Besoeker

Titel: Immanuel

Deur Elroux
Datum gepubliseer: 17 April 2017 Aantal woorde: 167 70 Kere gelees 4

onskuldig ons skuld gedra
maak die wat Hom wond gesond
onder die sware kruis het Sy liggaam geknak
maar die sondes van die wêreld vir Hom nie te swaar
weier die wyn en mirre vir pyn
maar vir ons gedrink die bitterste beker wat Sy Vader skink
vra vergifnis vir die wat Hom skuldig bevind
neem die aan wat Hom verwerp
die wat Hom vloek word geseën
in Sy eensaamste uur deur God en mens verlaat
sien Hy nog ander se eensaamheid raak
stort Sy liefde uit op die wat Hom haat
Sy liggaam deur mense gebreek aan ‘n kruis
aan die gebroke sondaar genade bewys
teen Hom pleeg mense die uiterste verraad
maar Hy sal die mens nooit versaak
geselhoue en spykers wat deur vlees dring
verbrysel om ons heel te maak
die sweepslae van verwerping
die haan wat kraai
spotwoorde by die kruisiging
weerklink deur die eeue
as ons Hom steeds verraai
en Hy steeds vir ons wag
om na Hom te draai




  • TEMAS

    Laat u kommentaar

    GESKRYF DEUR
    profiel foto van Elroux

    Jy moet ingeteken wees om boodskappe aan hierdie skrywer te kan stuur.

    Publikasies: 137
    Kommentaar telling: 67

    'n Pretorianer van geboorte tot nou. Ek was 'n navorser en het die lewe van alle kante gesien en beleef. Ek is geseën met vier lieflike kinders en 'n wonderlike man. Op 68 jaar is ek in my herfstyd waar ek elke dag binne die genade van die Here leef. Om te dig gee betekenis aan my lewe en ek hoop dat my skrywes iets vir ander mense kan beteken.

    Gebruikers Aanlyn

    5 Lede, 65 gaste aanlyn