Welkom, Besoeker
Welkom, Besoeker
Taal waarskuwing*

Titel: Hulle sê Ek is Mal

Deur Ila
Datum gepubliseer: 24 Mei 2017 Aantal woorde: 218 69 Kere gelees Hou van

Hulle sê ek is mal,
Mense soos jy
in jou netjiese kerks en werks klere,
Perske pienk onder bloesie
met ‘n Marilyn Monroe moesie
aan die bokant van jou linker nippel
net onder jou vlinder tattoo.

Hulle sê ek is mal,
Mense soos oom Karel en tannie San
wat bedroef snags bybel sit en lees
en verkwans oor die jeug van vandag,
Sonder ambisie en klas
Wat kla oor die harde musiek van die bure
bespiegel oor al die kwaad agter daardie mure.

Hulle sê ek is mal,
Mense soos Gerhard en Michelle
wat agter af in die hof baklei
hul is egter al jare van tafel en bed geskei
maar tog is die kinders gelukkig en geklee
word daagliks rondgery in die BMW
na rugby proewe en eisteddfods.

Hulle sê ek is mal,
Mense soos jy,
Kluisenare in roetine van nege tot vyf
agter die televisie met 7de Laan en die nuus
Geen insig of visie
Van hul eie
Drome al lank vergeet
Ons as mens moet tog eet.

Maar ek IS mal,
Ek jaag hierdie droom sonder versekerheid
Die droom van woorde op papier,
Visie en passie wat my red en verskeur,
En sou ek miskien
Op tagtig misnoë steeds hierdie papier en pen bedien,
Weet ek, ek was mal,
Mal
        En
              Innerlik
                            Gelukkig.

-I Kriel




  • TEMAS
    10 Kommentaar
    1. profiel foto van Amaspoke

      Amaspoke

      Mei 24, 2017

      Die een wat so sê is die een wat van sy kop af is (mal is). Mooi skrywe.

    2. profiel foto van Viooltjie

      Viooltjie

      Mei 25, 2017

      Nee wat, jy is nie mal nie. Ek het jou gedig geniet 🙂 goed gedoen

    3. profiel foto van Palet

      Palet

      Mei 25, 2017

      Hou hiervan

    4. profiel foto van Ronel Janse van Vuuren

      Ronel Janse van Vuuren

      Mei 25, 2017

      Ons is almal mal hier – het die kat vir Alice gesê toe sy deur Wonderland loop. En so ook is skrywers: as ons normaal was, sou ons stories oor skoonmaak en ander alledaagse irritasies gewees het en nie oor die skoonheid van die veld of die nimf wat in ‘n boom daar woon nie.

    5. profiel foto van Okatopi

      Okatopi

      Junie 6, 2017

      En ek absoluut love dit 🙂

    Laat u kommentaar

    GESKRYF DEUR
    profiel foto van Ila

    Jy moet ingeteken wees om boodskappe aan hierdie skrywer te kan stuur.

    Publikasies: 22
    Kommentaar telling: 11

    "Kind van sonde, kind van troos, kind van liefde uit die oudedoos."

    Gebruikers Aanlyn

    1 Lid, 101 gaste aanlyn