Welkom, Besoeker
Welkom, Besoeker

Titel: Herinnerings-tuin

Deur Elroux
Datum gepubliseer: 6 April 2017 Aantal woorde: 147 66 Kere gelees 1

Pa, al is jy nie meer by my
is ek nie sonder jou
jy wat ‘n verskil wou maak
het my nie wees laat staan
jy leef voort in jou saad gesaai
plante in jou herinnerings-tuin

ons, jou geelhoutbome
geplant as saailing
staan net soos jy trots en fier
in ‘n kleed van nuwe groen
groei ons tot groter hoogtes
vir ‘n nuwe seisoen

spatsels omgee-blomme mildelik gesaai
versprei hul lieflike geure
groei soos kosmos om elke draai
‘n verrassing van bonte kleure
herinnering aan ons vreugdes-ure
bloei tot diep in my hart

Pa, jou koelte-hoekie
Met koel poele van laafnis
gevul met helende water
vir al wat seerkry-mens is
waar blomme tussen dorings blom
waar die swerwer huis toe kan kom

Maar dan is daar jou bosveld-hoekie
omring met sisal
waardeur niemand kon dring
hier het jy jou alleentyd
in die natuur
met jou God deurbring




  • TEMAS

    Laat u kommentaar

    GESKRYF DEUR
    profiel foto van Elroux

    Jy moet ingeteken wees om boodskappe aan hierdie skrywer te kan stuur.

    Publikasies: 137
    Kommentaar telling: 67

    'n Pretorianer van geboorte tot nou. Ek was 'n navorser en het die lewe van alle kante gesien en beleef. Ek is geseën met vier lieflike kinders en 'n wonderlike man. Op 68 jaar is ek in my herfstyd waar ek elke dag binne die genade van die Here leef. Om te dig gee betekenis aan my lewe en ek hoop dat my skrywes iets vir ander mense kan beteken.

    Gebruikers Aanlyn

    1 Lid, 82 gaste aanlyn