Welkom, Besoeker
Welkom, Besoeker

Titel: Graf van onthou

Deur Elroux
Datum gepubliseer: 8 April 2017 Aantal woorde: 140 97 Kere gelees 1

as jy my onder graniet verberg daar waar dit ewig winter is
weet net dat ek nie daar in die koue donker rus
jy sal my vind in die lag van ons kind
in die voëls se oggend-gesang as ons traag opstaan
in doudruppels wat in lentelig versplint
maar nooit in die winter se donker bleek
ek is in die vuur wat deur die donker breek as die son bergoorsteek
daar waar ons hand-aan-hand met lig in ons oë gestaan het
in die skril van die houtkapper wat roep na sy maat
daar waar jy koffie drink op ons somer-stoep
ek is in die see se soekende suis wat teen ruwe rotse druis
daar – waar jy my joune gemaak het
daar sal ek wees as jy verlang
daar sal jy my kan begrawe
in die graf van onthou




  • TEMAS

    Laat u kommentaar

    GESKRYF DEUR
    profiel foto van Elroux

    Jy moet ingeteken wees om boodskappe aan hierdie skrywer te kan stuur.

    Publikasies: 137
    Kommentaar telling: 67

    'n Pretorianer van geboorte tot nou. Ek was 'n navorser en het die lewe van alle kante gesien en beleef. Ek is geseën met vier lieflike kinders en 'n wonderlike man. Op 68 jaar is ek in my herfstyd waar ek elke dag binne die genade van die Here leef. Om te dig gee betekenis aan my lewe en ek hoop dat my skrywes iets vir ander mense kan beteken.

    Gebruikers Aanlyn

    0 Lid, 92 gaste aanlyn