Welkom, Besoeker
Welkom, Besoeker

Titel: geloof van ‘n vrou

Deur Elroux
Datum gepubliseer: 6 Mei 2017 Aantal woorde: 173 126 Kere gelees 6

geen oes op die land
alles swart verbrand
geen diere in die kraal
als gestroop en kaal
tog gierige hande bly
rondom my
eis nog meer
maak so seer

my kind kan ek nie meer vashou
nie beskerm teen honger en kou
optel as sy val of seerkry
sy is lankal nie meer by my
moes in die kerkhof agtergebly
ek gevangene maar tog vry
al eis die vryhand als van my
sal hy nooit my siel kan kry

verneder verniel
tog heel bly my siel
want geen mens se haat
sal dit ooit kan raak
bloedbevlek maar sneeuwit
als wat ek verloor het bly in my besit
ek weet so seker as wat ek leef
uit roet en as sal ‘n wit ibis sweef

die bouers sal weer terugkom
blomme sal weer blom
gesaaides weer opkom
kleinvee weer in die kampe wees
vroue weer kan leef sonder vrees
kinders weer kan speel en lag
‘n nasie opstaan na die slag
al is ons hoe verneder hoe verniel
behou ons ons ongeskonde siel




  • TEMAS
    1 Kommentaar
    1. profiel foto van Viooltjie

      Viooltjie

      Mei 8, 2017

      Baie goeie en netjiese werk, Elroux 🙂

    Laat u kommentaar

    GESKRYF DEUR
    profiel foto van Elroux

    Jy moet ingeteken wees om boodskappe aan hierdie skrywer te kan stuur.

    Publikasies: 137
    Kommentaar telling: 67

    'n Pretorianer van geboorte tot nou. Ek was 'n navorser en het die lewe van alle kante gesien en beleef. Ek is geseën met vier lieflike kinders en 'n wonderlike man. Op 68 jaar is ek in my herfstyd waar ek elke dag binne die genade van die Here leef. Om te dig gee betekenis aan my lewe en ek hoop dat my skrywes iets vir ander mense kan beteken.

    Gebruikers Aanlyn

    0 Lid, 278 gaste aanlyn