Welkom, Besoeker
Welkom, Besoeker

Titel: Gelapte drome

Deur Elroux
Datum gepubliseer: 16 April 2017 Aantal woorde: 131 98 Kere gelees 2

gelapte drome
hartseer en lag lepellê
in half-klaar some
elke stukkie lap wat ‘n storie vertel
van die dromer vasgevang
in tyd se sel
krom vingers wat nie meer drome kan vang
hangkaste vol van vergete drome
drome wat half-klaar hang
die kind wat die trui moes dra te gou groot
die dromer te gou oud
sy drome nou dood
in die laaste strale van die son het drome verdwyn
al wat nou oor is
is die dromer se refrein
die dromer droom nie meer nie
die tyd was te kort
die klik-klik van breinaalde
het stil geword
tyd sluk drome in
maar die drome van die dromer
is ander se weer begin
met ‘n gedroomde stukkie lap
en tyd wat soos ‘n honger hond
aan die dromer se hakskene hap




  • TEMAS

    Laat u kommentaar

    GESKRYF DEUR
    profiel foto van Elroux

    Jy moet ingeteken wees om boodskappe aan hierdie skrywer te kan stuur.

    Publikasies: 137
    Kommentaar telling: 67

    'n Pretorianer van geboorte tot nou. Ek was 'n navorser en het die lewe van alle kante gesien en beleef. Ek is geseën met vier lieflike kinders en 'n wonderlike man. Op 68 jaar is ek in my herfstyd waar ek elke dag binne die genade van die Here leef. Om te dig gee betekenis aan my lewe en ek hoop dat my skrywes iets vir ander mense kan beteken.

    Gebruikers Aanlyn

    1 Lid, 88 gaste aanlyn